close


平時見官仔骨骨嘅28歲始源斯斯文文，但當晚就着起超人戰衣上台玩cosplay，令下身激凸。

上週六（10日）晚，兩隊韓國猛男天團Super Junior（SJ）同2PM，分別空降澳門威尼斯人同香港亞洲博覽館搶客，唱得又跳得，最緊要係有靚仔睇。先講SJ，FBI真係唔可以唔畀個「服」字佢哋，事關星期六晚喺佢哋嘅澳門騷第二場，由8點幾開始一直唱到深夜12點幾，跳足4粒幾鐘，其間完全冇break都一樣冇甩轆。


演唱會中，肥仔成員神童就着晒女裝扮4 MINUTE嘅泫雅唱〈Bubble Pop〉，搞笑得嚟又cute到爆。而銀赫就出口術講笑話：「今天我是張學友、劉德華、黎明及郭富城！」引到全場fans笑到收唔到掣。尾聲隊長利特因唔捨得港澳fans講：「我感受到大家嘅熱情、關心，我哋都收到，相信呢一刻，全部人都變成Super Junior，以後我哋會繼續努力！」其間隊長利特仲喊咗兩次，搞到唔少女fans都喊埋一份。4粒幾鐘絕無冷場，唔怪得完騷後，FBI見班女fans趕去停車場追睇偶像「最後一面」啦。FBI收到風，原本SJ全體打算多留澳門一晚，一嘗澳門美食同觀光，但因有工作在身，9個壯男一唱完騷，即搭飛機趕返韓國，本地粉絲又要再等吓喇。

扮肥妹
隊中最搞笑成員神童，當晚化身索女泫雅唱〈Bubble Pop〉，戴上假髮嘅神童露出又肥又粗嘅大髀，仲碌埋地，全場笑到肚痛。

有基味
中場時，始源同銀赫黐到埋傾偈，其間始源仲作狀咁啜銀赫塊面，好有基味。

送花冧女
4粒鐘騷，當然唔少得冧女位，隊長利特就騎上升降台向在場fans送花，其間更揀咗一名女fans，仲搭埋膊頭，唔冧死就奇。

濕身謝幕
由8點幾唱到深夜12點幾先唱完。交足功課嘅SJ喺完場時，9個壯丁企喺水柱上，全身濕晒答謝歌迷，如果肯剝埋衫就更perfect。 ####


開騷前，SJ 9子就開咗個記招會傳媒，講到每次開騷都唱足4粒鐘，銀赫大口氣話體力冇問題，仲即時示範做掌上壓，點知頂唔住失手。純粹搞吓笑啦。


今次SJ澳門騷集齊9個隊員演出，歌迷話如果入伍當緊兵嘅希澈都有份參與就最perfect。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄