32歲BoBo同出道時一樣面尖尖。Keep得咁fit，唔怪得食完海鮮，再食甜品都唔驚啦！
BoBo最幸福
08年淫照事件後，多位主角都行霉運，經歷人氣急跌；票房毒藥甚至婚姻失敗。惟獨BoBo仲有未婚夫金紫耀錫住，不幸中之大幸。
BoBo有佬錫
淫照事件發生後一直潛水，之後更繼續跟金紫耀拍拖至今。屢傳婚訊，不過仲未嫁得，現喺北角經營水晶美甲店「Crystal Jam」，生意唔錯。
栢芝變毒藥
淫照事件後復出，去年同謝霆鋒離婚，更爆出爭產傳聞，令形象跌到落谷底，其擔演嘅電影亦票房失利，由千萬影后變票房毒藥。
鍾欣桐冇仔溝
天真論令阿嬌事業一直未能回復當年勇，最近同拍檔阿Sa出新碟先叫做有番啲人氣。可惜感情路上仍未有着落。Juno、敖犬通通冇下文。
陳冠希乜都衰
淫照事件主角近年新聞多，先搭上模Cammi，再錯溝台灣索模，最近為Nike贊助跑馬拉松又被揭發頂包，做乜都衰。 ####
BoBo 01年曾同賴登勤拍拖，但同年BoBo識了Edison後，BoBo火速飛甩賴登勤。《蘋果日報》圖片
周群達 34歲賴登勤當年同陳文媛、官恩娜、黄浩然拍《I Do戀性世代》，入行前本身係風帆高手，亦係奧運滑浪風帆金牌得主李麗珊表弟。05年衰過藏毒，之後改藝名叫周群達，現多喺大陸拍劇。
長洲滑浪中心，由賴登勤父親黎根開設，除咗教風帆外，亦有包場燒嘢食服務，點知BoBo週日去到撞啱收鋪，見唔到舊愛。
每年2、3月長洲櫻花盛開，吸引唔少龍友嚟影花，唔知曾蔭權有冇嚟影呢？
BoBo同一眾好友影完櫻花，再食餐飽先搭船離開長洲，不過對記者提問就全冇回應。
微博爆hurt 近年信耶穌嘅BoBo，除咗不時喺微博寫福音金句，好間唔中先寫吓心底話。上月她便在微博慨嘆被親人傷害，相當慘情。
摸完門釘BoBo帶路到附近酒樓食海鮮。BoBo唔使做幕前，不過都冇虎背熊腰，難得。
金紫耀上年九月離開威利國際，未有搞作嘅佢經常接女友BoBo收工，算係咁啦。《忽然1周》圖片
留言列表
