周家蔚搵奶粉錢 危踩高靴
周家蔚與岑麗香昨午出席主題樂園聖誕節活動，腹大便便的家蔚穿上有踭長靴，仍健步如飛，讓旁人看得牙煙！懷有8個月身孕的她，近期頻頻出活動，家蔚揚言有適合活動都會繼續做，為搵奶粉錢可謂搏到盡！
周家蔚昨穿上紅色白點短裙配有踭長靴，打扮醒神，雖然肚子「籮咁大」但仍步履輕盈，家蔚透露每個月做產前檢查都會好緊張，因每個月只可見腹中BB一次；近期頻頻出席活動的她，坦言仍會看情況來接活動工作，為搵奶粉錢密密做！談到即將到來的聖誕，她表示老公洪天明不在港，相信佳節自己會形單影隻，惟有寄望BB出世後，明年可以舉家慶祝佳節。
岑麗香返加探母
同場的岑麗香則因為獲得意外假期而心情興奮，她已訂好機票稍後將返加拿大與家人短聚數天，且表示：「到時會接媽媽上下班，趁車程大家傾吓偈，不過唔可以喪食，因為返嚟要開劇。」家蔚隨即表示十分羨慕香香：「其實我06年選完港姐後，試過抽3日時間返加拿大，返去唔夠24小時又要走，都係想探吓啲朋友，依家諗番都覺得值得嘅，思鄉嘛。」
側面看周家蔚更見肚大如籮。
岑麗香扶住巨肚的家蔚下梯級，認真步步驚心。
周家蔚和香香率先感受節日氣氛。
文：影視組
周家蔚肚頂女神 13,635 
大肚潮媽周家蔚同高登女神岑麗香，噚日去到海洋公園幫一個cosplay嘅活動做評判，家懷有8個月身孕嘅周家蔚，身形肥腫，企喺香香隔籬，唔係誇張，真係遮咗香香半個身。雖然周家蔚個肚咁巨，但愛靚嘅佢依然着住高踭鞋，仲話好耐冇着心都痕晒喎。而香香上落都扶實周家蔚，真係細心。
一人一票投蘋果【萬千星虧】，對撼 CCTVB公投↓↓↓
http://tv-voting.appledaily.com/
大肚家蔚羨慕香香踩高踭
岑麗香與腹大便便的周家蔚，昨午出席主題樂園聖誕活動，香香意外地獲得數天假期，心情興奮，已訂機票返加拿大與家人短聚：「到時會接送媽媽返工傾吓偈。」家蔚即大表羨慕：「我試過抽3日時間返加拿大，但唔夠24小時又要走。」預產期為明年2月的她，對香香穿高踭鞋大表羨慕，她透露老公洪天明聖誕期間不在港，故寄望BB出世後，明年可以舉家慶祝。另一邊廂，家蔚好友湯盈盈昨日在微博上載「開懷大嚼」連環圖，身形比上月更豐滿的她大爆醫生指其體重超標。
香香（左）扶實腹大便便的家蔚。
留言列表
