講到明唔可以單用 GamePad畫面玩，用作取代 3DS下屏幕篤芒用道具，其實高手根本唔會篤，所以放桌面方便睇地圖，呢個構想算係幾好。

漫遊毒物

日版獨家　 Wii U雙 Mon芒亨

2012年12月12日 ~~ 第290期 Face

CAPCOM將重頭作完全靠攏任天堂系主機，發表完《 MH4》 3DS獨家玩晒之後，連新家用機 Wii U都有隻《芒亨 3G HD Ver.》，雖然只係改自 3DS舊作，但對獵人狩友嚟講真係影響我哋出唔出 Wii U的一大誘因！
上星期五，日版 Wii U同《芒亨》已經到香港，即睇此 game點樣活用 Wii U大芒手掣做個「雙芒亨 ter」，仲有日本版 Wii U主機最新炒價市況！

芒亨版特別主機套裝

內容同黑機基本一樣，有 32GB主機、 GamePad手掣、 GamePad充電座，另多 1支 Pro Controller手掣，跟機遊戲由《 Nintendo Land》改做《 MH3G HD》（參考價格：$4,500） 




機種： Wii U
廠商： CAPCOM
類型：狩獵動作
遊玩人數： 1人(單機)/1-4人(連線)
售價：約$550 

芒亨 HD版示範
3DS連動

獵人們都好迷茫，一路打開 PSP，點知《 MH4》出喺 3DS，𠵱家仲有隻《 MH3G HD》出喺 Wii U。其實呢隻 game內容同上年底推出嘅 3DS版《 MH3G》相同， GamePad變咗做 3DS下屏幕。另有 3種連動玩法， ①同 3DS連動轉移舊 Save； ②可以跨平台跟 3DS版用家連線合作； ③會送多支傳統手掣 Pro Controller（另購約$300），以 Pro-Con操控角色， Gamepad可當 tablet放桌面方便睇地圖，未玩過 3DS版真係要跟日版 Wii U出隻試試。


Online可免費 4P， Game Pad能夠打英/日文傾偈。如果你班朋友拎 3部 3DS上你屋企，一樣可以 1部 Wii U+3部 3DS面對面連線。


內容同 3DS一樣，加入 PSP版《 MHP3》猜嘅 G版怪物，例如呢隻亞種雷狼龍。

外國銷情有利有弊

美版開賣接近一個月， Wii U銷情可謂有利有弊，好方面 Wii U遊戲賣得唔錯，美國零售網站 Gamestop話佢哋賣出 47萬部 Wii U，遊戲預購情況比 Wii同期多出兩倍，達到 120萬張，平均每個玩家預訂 2.4款遊戲。而壞消息該網站同期賣出 XBox360（ 98萬部）、 PS3(75萬部)， Wii U作為新機竟然跑輸， Gamestop表示 Wii U最大敗因係供不應求買唔到！

日版機平 game貴

同一時間，日版 Wii U雙色主機已經到港，賣價比美版便宜，但入貨前要注意， Wii U機有分區碼，日本、美國主機、遊戲不能互相兼容。如果想玩《 Monster Hunter 3G HD Ver.》，暫時真係日本獨家，但記者覺得日本廠其實對 Wii U仲係抱觀望態度，日版獨家遊戲暫時只得《 MH3G HD》同《鐵拳 TT2》。加上日本版遊戲定價較高，好似《孖寶》就日版$500、美版$400，等美版主機喺聖誕後供應充裕、炒價回落，始終睇高一線。


任天堂主機一向喺美國吃得開，處處排長龍、賣清光。香港一樣返唔夠貨，有鋪頭話開賣至今總數都入唔到 100部，預期日版貨源較充裕，價平貨足，可有希望提升銷量。

Wii U目前注目遊戲美日版概況

Wii U版《鐵拳 TT2》獨有《孖寶》式「磨菇 Battle」。另外仲幫啲角色做晒任天堂 crossplay，睇見三島平八變身邪道 Mario夠晒盞鬼。 Wii U/NBGI/格鬥/1-2人/約$528

狩友點睇？

日本留學生
阿茲

喺日本讀書嘅阿茲由《 MHP2》開始玩，佢就覺得 Wii U版《芒亨》只係試驗品。「 Wii U喺日本預訂情況幾好，好多大型電器鋪都貼晒紙話訂晒。不過以芒亨玩家角度嚟睇，主力都係手提遊戲機版，之前 PS3同今次 Wii U嘅家用版都係移植作，連加強版都不如，唔會因為芒亨而入 Wii U。反而我就期待老任自家遊戲好似《卡比之星》咁喇。」 

撰文：司徒港燊