前年得 11歲 嘅 Victoria跟媽媽到台灣旅遊，當時 Victoria仍然係一個肥嘟嘟 𡃁妹。台灣《蘋果日報》圖片
真面目
阿媽真傳 傍實阿媽復出 卿卿 13歲女靚絕高校
葉玉卿當年憑姣歌〈擋不住的風情〉及三級片《我為卿狂》等名成利就，仲嫁埋畀美國富商胡兆明，家住美國紐約長島超級豪宅，生活無憂。
16年冇拍過戲的卿卿，最近返香港拍邵氏賀歲片《我愛 HK2013恭囍發財》， 45歲身材依然索爆。而佢 13歲半愛女胡芷欣（ Victoria）亦得阿媽真傳， 喺 Instagram大晒青春無敵 cute爆靚相。咁有條件，唔怪得卿卿都話仔女有興趣做明星啦！
一代咪神葉玉卿息影 16年，今次因老友曾志偉邀請拍賀歲片《我愛 HK2013恭囍發財》。卿卿雖然生咗 1女 2仔，但身材仍然 keep得好 fit。今次拍戲更自己出錢租酒店、請助手及司機。卿卿除 咗身家豐厚，直言從來「使面嗰浸」，幸福家庭亦令人羨慕。
今年 Victoria已經 13歲，五官精緻咗好多，亦冇咗 baby fat，少女味開始出 嚟，更經常寫上「 Love You」畀身邊嘅鬼妹朋友。網上圖片
卿卿一家人住在 Long Island豪宅區，單係大宅已有 12畝地咁大，屋企咁大梗係要養番隻狗啦！網上圖片
Victoria喺香港成個怕醜草咁，但原來私下好動活潑，經常上載校園相 喺 Instagram。網上圖片
大女 Victoria同兩位弟弟胡可聰（ Jeffrey）、胡以聰（ Jefferson）感情超好。網上圖片
全校最靚
其中以 13歲半大女，於紐約入讀私立貴族學校的胡芷欣（ Victoria）深得母親真傳，兩母女似足餅印樣。 Victoria更因太掛住媽咪，專程返港陪媽咪開工。
面對傳媒追訪 Victoria雖然怕醜，但原來私底下相當活潑。本刊發現 Victoria嘅 Instagram有多張佢同一班鬼妹同學仔攬頭攬頸的少女校園照。 Victoria同媽咪卿卿亦感情超好，經常上載合照，仲寫上「 Love you Mommy」，難怪卿卿話個女超黐身。
老公胡兆明專誠由美國 嚟香港探老婆，卿卿表示老公仲想生多個。《蘋果日報》圖片
卿卿今次為《我》片開工，暫定要留 2至 4星期， 3個仔女同老公都因為掛住佢而來港探班。
卿卿唔使撲水
卿卿自 96年退出娛樂圈後，便跟隨老公胡兆明移居到美國紐約長島（ Long Island）生活。胡於唐人街經營「香港超市」（上圖）及銀行等生意，一家住超級豪宅，擁私人飛機。當時有指卿卿老公身家達 80億。不過樹大招風，早前就有網友指卿卿假富貴。不過卿卿亦表示自己冇 80億身家，但返 嚟香港拍戲亦唔係為撲水，酒店房租、助手及司機亦係自己揞荷包，財政冇問題。
早前有網友透過討論區，大數卿卿充富貴及夫家非富豪級。
留言列表
