818 娛樂八掛大放送★

周海媚 海味 梁政珏 素顏 鬥殘

【今日我至睥】海味曾經都係五台山靚女，但家一唔化妝就唔掂，佢仲要眼睥睥咁，真係嚇親人。

【銅鑼灣、旺角】聖誕節就到，啲人都開始四出搜購禮物送禮，前日周海媚（海味）同新晉性感女神梁政珏分別去咗銅鑼灣同旺角買禮物，冇化妝以殘樣現身嘅兩女，喺條街度行居然冇乜人認得。

【豪爽掃貨】

前晚7點鐘左右，見到46歲嘅海味戴住眼鏡素顏挽住兩袋聖誕禮物喺銅鑼灣行街，喺附近睇咗一輪櫥窗之後，就入咗名牌店Bottega Veneta（BV），入到去就有兩個職員招呼，佢放低手上兩袋禮物換咗兩袋BV，相信係事先買落。當佢去到的士站發現有記者影相，海味就好避忌咁不停避鏡頭，直到上咗車都一路左望右望。

行街冇人認得

至於近日以透奶成功上位，成為性感女神嘅27歲梁政珏，前晚亦素顏同一名女性友人現身旺角波鞋街。載帽冇露肉加上面上嘅暗瘡，梁政珏行喺街可以話完全引唔起人注意，佢好專心咁睇鞋，見佢精挑細選花咗15分鐘卒之揀到款男裝New Balance嘅運動鞋，睇嚟係男朋友嘅聖誕禮物。當佢行去畀錢嘅時候，一名男fans卒之發現呢位女神。不過從佢嘅表情睇嚟，似乎唔係好接受女神冇化妝嘅原貌，位男fans有幾接受唔到？睇佢Ｏ晒嘴嘅表情就知啦！
採訪、攝影：陳辰、朱志聰、梁繼光

【黑面行街】 

【粉絲O嘴】

梁政珏低調背門口試鞋

無綫咪神梁政珏與潮牌老闆男友Eri Chu拍拖多年，不時當街親熱極為甜蜜，不過早前女方自爆已與男友分手數月。甩拖的她前晚找來一名女性朋友作伴，雙雙到旺角波鞋街閒逛。平日出席活動例必大騷34D咪咪的梁政珏，前晚卻全身包到冚，封胸之餘又戴帽，素顏的她更戴上眼鏡遮倦容。

平日性感的梁政珏密實逛街。

見梁政珏與友人逛了多間鞋舖仍不合心水，最終步入一間專門店才揀得心頭好，期間惹來不少顧客眼望望，不欲被人認出的她即時拉低帽子，試鞋時亦刻意挑選背對着門口的位置而坐，試了足足半小時才離開。

戴帽的梁政珏怕人認出，專登背着門口試鞋。