早前出席於香港會展舉行嘅 MAMA頒獎典禮的徐仁英，雖然齋做表演嘉賓冇獎攞，但一樣着晒 see through corset，扭蛇腰唱勁歌〈 Any More〉，震撼全場。
韓面
扭爆 MAMA 徐仁英’ 13蛇腰女王
前週五在香港舉行的 Mnet Asian Music Awards（ MAMA）頒獎禮中，除攞獎贏家 PSY及 BIGBANG令觀眾超 high，騷中擔任表演嘉賓的性感女神徐仁英，以一襲透視內衣在台上跟 B.o.B合唱的噴血演出，更加係 big surprise。
今年 28歲的徐仁英，擁有把超爆炸性的巨肺聲，講到最突出，當然是她的惹火 body，騷長腿已屬濕濕碎，至叻係打開心口露半球兼騷蛇腰。搏到咁，唔怪得她與李孝利及孫丹菲齊齊被封為「韓國三大性感女神」。未到蛇年已可以預測徐仁英蛇年必爆。
主動攬
徐仁英 solo表演後，再同美國黑人 hip hop巨星 B.o.B一齊用英文合唱〈 Airplane〉，盡情發揮巨肺唱腔，唱完之後仲開心到主動攬實 B.o.B表現熱情。
3吋事業線
行紅地氈時，徐仁英就着上低 V西裝褸，但西裝褸內其實真空， 3吋長事業線表露無遺。
出名百變的徐仁英，現年 28歲，自 13歲起已幫雜誌做模特兒，一直拜美國天后 Christina Aguilera做偶像，因此學足偶像以巨肺腔唱歌。 02年滿 17歲的她即轉行做歌手，加入 4人女子組合 Jewelry，踏上舞孃路。
女神好舞功
不過英姐正式彈起，數到 06年以單飛姿態推出處女細碟《需要你》，當時英姐唔只出名跳 hip hop街舞，最叻係上台大扭火辣蛇腰，睇到班韓男雙眼噴火，因此被封為性感女神。近年英姐除於樂壇發展，上年更踏入電視界，拍攝 MBC愛情劇《愛情萬萬歲》，連女優都撈埋，真係周身刀。
前年徐仁英仲同 PSY一齊合唱單曲〈 Thank You〉，更多次上音樂節目如《人氣歌謠》等表演。當時 PSY仲未紅，而且仲冇咁肥。
黐 PSY
做名牌奴隸
雖然英姐樣靚身材索，但入行以來緋聞唔多，頂多係 4年前參演《我們結婚了》時，同奀星拍檔 Crown J傳過吓拍拖，但之後冇下文。
現時英姐可說是星途燦爛，但原來一直活於空虛同壓力下，因此曾要瘋狂 shopping減壓，屋企曾試過放置超過 1千對高踭鞋，故有「高踭鞋狂人」稱號，亦因洗腳唔抹腳，曾搞到差啲破產，早前她於訪問中自爆：「我賺到錢主要用來買名牌衫同高踭鞋，每次 shopping，只要有售貨員話剩番一件，我就好有衝動買咗佢！就係咁不斷買，卒之曾兩次陷入破產危機，好彩之後由父母管錢，先控制到自己嘅購物慾。」辛苦搵埋啲錢，竟然走去做名牌奴隸，英姐不如捐去做善事更加有意義啦！
徐仁英 02年已加入 4人女子組合 Jewelry擔任主音及領舞，最叻騷長腿跳火辣勁舞，不過徐仁英於 2010年已宣布退隊，全面以個人姿態發展。
拍劇都露
上年徐仁英更拍埋電視劇，於 MBC電視台嘅《愛情萬萬歲》中做配角，但一樣要着小背心露吓身材。
食蕉修身
5呎 4吋高，擁有 33C、 23、 34索爆身材的徐仁英，原來平時容易發胖，所以每次宣傳新碟前 2個月就會用「香蕉減肥法」來修身。她的修身秘訣就是戒食澱粉質食物，平時只吃雞胸肉及香蕉，再配上每日至少 30分鐘的帶氧運動，試過於 2個月減足 12磅咁話。
面目全非
三圍 33C、 23、 34嘅徐仁英，體態完美，唔少雜誌如《 In Style》等經常搵佢影靚相騷 body。
𠵱家索爆鏡，但讀初中時，細眼兼面闊，有冇整過容？唔使多講！
留言列表
