我都鍾意 BIGBANG！真實對白
81歲嘅潘姐姐除咗講冷笑，當晚亦唱咗首〈天涯歌女〉，粉絲大叫唔夠喉！

U Spy

潘迪華港大搞爛 gag

2012年12月12日 ~~ 第290期 Face

開咗學近四個月，港大新落成嘅百周年校園，有唔少地方仲施緊工，上星期就急不及待請咗潘迪華姐姐、林二汶及假音人開音樂會，雖然全晚都以老歌為主，但 81歲嘅潘迪華姐姐見好多同學在場，竟然搞爛 gag：「其實我好鍾意 BIGBANG，不過唔係韓國嗰隊組合，係一大班樂師玩嗰種 Big Band！」估佢唔到咁抵死！

Spy仲知道呢個百周年校園新演講廳，喺開騷前 1日先啱啱裝修好，全場仲有大陣裝修味，今次更係專登搵咗林二汶同迪華姐姐嚟試音，難得二汶都好識做講：「個 hall啲質素超好，遲啲借做錄音室都得！」果然襟撈。


喺百周年校園嘅李兆基演講中心大會堂，啱啱新裝修好就搵啲歌手嚟試音，唔少觀眾都大讚音色真係幾靚幾 pro.！


身為潘迪華姐姐愛將嘅林二汶當晚大唱經典歌曲〈愛你變成害你〉及〈驚人〉，靚場地加埋佢把靚聲，難怪全場拍爛手掌！

撰文、攝影：葉浩婷