巨星招待
週日（ 9日），徐子珊到江門為樓盤騷做嘉賓，現場工作人員嚴陣以待，閒閒哋 10幾人傍住珊姐。
真面目
埋身戰 騷價升一倍 新金旦徐子珊年執 420萬拋贏楊怡
下週一（ 17日）視帝視后誕生，今年無綫搞全民直選，暫時視后呼聲最高首推徐子珊同楊怡。
花落誰家未知，但以內地吸金能力，大熱之一徐子珊則遠遠拋離楊怡。徐子珊今年共接 14內地活動，開價更由 20萬（人仔．下同）倍升至 40萬，榮升 TVB新金旦。
上週六及日（ 8及 9日），子珊更連踩兩場，由廣西南寧殺到落廣東江門做騷，其中江門樓盤騷前後只花半個鐘，齋講幾句恭賀說話，收入更高達天價 50萬，快錢好易搵！
喺《雷霆掃毒》演毒后陳家碧，一秒強姦戲攞盡焦點，全民直選聲勢已稍勝楊怡。
電暈老闆
多謝樓盤公司（真實對白）
開得出天價全靠老細（右）畀面，所以徐子珊亦不時對住身邊領導微笑，好鬼識做。
連踩兩場
之前一日（ 8日），徐子珊先到廣西南寧出席車展，雖然 2日內要由廣西殺落廣東，不過兩騷加埋蒲頭一粒鐘就有成 90萬袋，辛苦啲有乜所謂！
罕有大膽
《雷霆掃毒》陳家碧的一秒強姦令徐子珊有力爭視后，更帶挈佢連騷價都升成倍。
毒后受歡迎
徐子珊 2年前以 1,080萬買入南區豪宅貝沙灣，以佢賺錢能力，供樓當然冇問題。
香港視民受，原來徐子珊喺內地一樣深得客戶歡心。據知子珊在《雷霆掃毒》出街後，內地騷價已由 20萬跳升至 40萬，其中在週日（ 9日）的江門樓盤騷，叫價更高達 50萬，一年連接 14個內地騷，新舊價加埋共搵 420萬，內地掘金果然和味。
據知子珊受客戶歡迎，全因佢可唱快歌兼熱舞外，索爆外貌亦比楊怡高一線。知情者透露：「內地客要搵 TVB花旦，一諗就諗起 Kate（徐子珊），好少請楊怡㗎，佢哋鍾意靚女嘛，而且 Kate識得唱快歌，現場氣氛好好多㗎！」
內地掘金 楊怡包尾
無綫新 4大花旦徐子珊、陳法拉、胡杏兒同楊怡，在香港平起平坐，但卻以徐子珊最受內地客戶歡迎，反而楊怡全年只得 3個內地騷包尾。
徐子珊內地價 40萬起
本年初，徐子珊到廣州出席動畫《喜羊羊與灰太狼之開心闖龍年》發佈會，為電影配音之餘，仲唱埋歌助興，實行連細路都唔放過！
選前拍住上
頒獎禮仲有一星期，兩位視后大熱放下內鬥，早前孖住出席名表活動搵真銀。不過當日徐子珊冇乜笑容，楊怡又爆瘡，成個畫面醜晒！
恨演國產劇
近來岑麗香和苟芸慧經常出席活動， 2人大有可能成為新一代吸金王。《蘋果日報》圖片
上週六及日（ 8及 9日），子珊先到廣西南寧出席一車展做嘉賓，翌日再殺落江門為一樓盤銷售做揭幕禮。在樓盤活動中，收天價 50萬的子珊，到場後受足一線紅星級款待，在場有 5-6個保鑣護送，數百市民圍觀。由活動開始到結束只不過半小時，子珊無勁歌熱舞，只在台上吹幾句及送贈禮物給客戶。識做子珊經常與粉絲互動，握手影相永冇托手踭，收天價亦交足功課。
內地騷易搵錢，但其實徐子珊最想拍到內地劇開拓更大強國市場。據知情者說：「本來有部內地劇係為子珊度身訂造嘅，係做女人戲，本來傾到八八九九，預咗年尾開鏡啦，不過最後無綫都係傾唔掂價錢，子珊梗係失望啦，話晒佢都想拍番部國內劇更加入屋嘛！」攞埋視后，子珊大把機會掘人仔啦！
楊怡騷價 20萬起
4花旦中楊怡出騷次數包尾，今年累計只有 3個內地活動，唔通強國人嫌佢唔夠靚女？
內地活動
1.佛山祥城恆安瑞士大酒店
2.惠州一德商品展貿城
3.東莞豪宅登台
楊怡內地冇市
憑《名媛望族》做四太，和劉松仁咬唇激咀一幕令楊怡入圍角逐視后。
身價分別大
姐仔分級數，個價當然亦好唔同。雖然當家花旦徐子珊、陳法拉、楊怡和胡杏兒都被無綫力捧，不過內地口味同香港有別，據知法拉得胡囧價錢一半咋，陰功！
法拉香港贏晒 法拉騷價 10萬起
自從上升一線兼做咗 Neway大少薛世恆老婆後，法拉深受高檔品牌歡迎，不過佢喺內地知名度唔算太高，唔多 job之餘，叫價亦只由 10萬起跳！ 
法拉憑《東西宮略》演鍾無艷扮醜女，再次被提名角逐視后，但睇形勢都係陪跑多。
杏兒強國劇掂 杏兒騷價 20萬起
胡杏兒喺內地接劇係眾花旦中最多，今年就有 3部。雖然出騷唔多，但杏兒靠拍劇已經喺內地打響知名度，叫價已達視后級 20萬。 
胡杏兒喺《怒火街頭 2》演嘅王思苦終獲提名視后，不過可否冧莊仲係未知之數。 
留言列表
