close
傳聞話瑪雅曆法預言世界末日就係今個月 21日,但查實瑪雅祭司不相信呢日係末日。所謂「末日」其實只係指瑪雅曆法中第 13個伯克盾會喺 12月 21日終結,第 14個伯克盾會隨即展開,標示新紀元來臨。
FBI
1221末日陪你倒數
梁詠琪單車走佬
其實我唔多信 㗎,如果真係殺到埋身,我會踩單車上山頂避海嘯。
RubberBand唱啱 timing
近期個個歌手爭住唱末日歌,但講到最啱 timing,一定係趕得切喺末日前開紅館騷的 RubberBand,各隊員仲趁機將末日心聲放上 YouTube勁多人睇!另外佢哋首〈發現號〉講末日情況,又撞冰山又板塊移動,難怪討論區勁多人講!
陳曉東馬代避世
我信 21號係會有嘢發生,但唔希望係毀滅性 嘅災難,反而可能係一個新時代 嘅開始。我諗住買幾張機票,同屋企人去馬爾代夫,一邊食住大餐一邊睇住新聞,最好放埋煙花添!
蔡一智攬囡等死
我係中國人,梗係信農曆,唔信瑪雅人。我訂 咗 枱嗰晚做冬,如果真係世界末日,我咪攬住老婆同兩個女等死囉。
謝安琪拖住手死
係咪末日都冇所謂啦,反正日子都係咁過。可以成家人手牽手一齊死,點都好過孤單一個吖!不過我嗰幾日咁 啱放假,我媽咪又係嗰排生日,所以我點都會同屋企人一齊過!
張繼聰結他定驚
「世界末日」呢個講法係扭曲 咗,其實只係一個新紀元 嘅開始,人類唔會滅絕,只係變得友愛 咗同和平 咗!不過隨緣啦,如果真係會黑暗三日,我會拎個結他出街彈,等大家唔使咁驚!
全站熱搜
留言列表