close



FACEweekly

型男速成　林德信

2012年12月12日 ~~ 第290期 Face

娛樂圈靠型靠潮點足夠，新人更要無時無刻增值，環球新人林德信（ Alex），身為殿堂情歌王林子祥之子，完全沒有半點「唱二代」氣燄，自彈自唱靠自己，狂接不同類型廣告，出道年多即冧盡各界女生，今日 Alex親自提供型男速成教學。大家要學嘢！

靚　皮膚必戒味精


出道 1年半的林德信，拍廣告開始上位，形象比爸爸百變，多得 5年在 LA教授瑜伽，更食得健康：「在 LA跟世界級大師 Bikram學瑜伽考教練牌，那時出來工作甚麼也慳，養成每日在家夾三文治帶習慣，我可以 3餐食三文治，拍 MV都只叫三文治外賣，不過定要走味精，唔係個人會好累，皮膚亦會差。」


EP 6首歌夾埋型男寫真集賣大包，拍攝由曾為 Mr.及潮牌 Ground-Zero拍攝的本地攝影師 Paul Tsang主理，勁有型呀吓！



自彈自唱　山頂 Bob Dylan




首隻 EP《 ALEX LAM》早前推出，自彈自唱大玩 soft ballad，其實 Alex讀書時勁鍾意美國樂隊 Nirvana，來臨乜都想試：「最鍾意 Bob Dylan，夢想學佢周圍表演，未入行前去蘇豪扣門要求表演，有成功也有摸門釘，所以現在表演我好期待，𠵱家夾緊隊 band叫 Black Cats，每個星期六在山頂廣場開 band騷，好想下隻碟以樂隊名義推出呀。」 

末日唱　爸爸情歌




屋企無電視，但會睇 YouTube搵靈感。你以為佢悶？其實最有情調係佢！「以前媽媽（葉蒨文）有時間就帶我去睇藝術片，假如末日，我最想都係睇戲，最好就係帶埋個鍾意嘅人一齊睇。兩個星期點追女仔？我諗我會彈爸爸首〈分分鐘需要你〉。」陰聲細氣的 Alex細心地拿着我的 iPod錄音，我終於知道我啲女性朋友點解咁鍾意林仔喇！ 

下年 2月頭林子祥與音樂監製趙增熹開《絕對熹祥林子祥&趙增熹音樂會》，就已預埋仔仔拍住上搵銀， Alex更已收到爸爸指令要練結他 solo，「佢想我彈佢首〈花街 70號〉。」 

撰文：陳家豪
攝影：吳偉業
化妝： Kristy Lam
髮型： Eve@Queen Private i
場地提供： Fringe Club

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄