close
霜霜新歡微博代號「 G-Club_金」，係姓金定多金不得而知，雖然冇林峯咁 chok，不過日日換款揸超跑，又係霜霜浙江同鄉，真係啱晒霜霜嘴形。
FBI
潘霜霜高富帥分完即合
舊年年頭同林峯分手，霜霜最近 喺微博示威，搵到新歡啦！
FBI了解過，呢位戴眼鏡，個樣生得青靚白淨嘅男仔，微博名叫「 G-Club_金」嘅新歡，係上海超級跑車會發起人，年頭入手青綠色林寶堅尼一架，平時 Bentley、法拉利，仲有 Audi嘅 R8換住揸，日日群埋都係班儲玩具車一樣儲超跑嘅同道中人。
幾多身家冇得計，不過斷估點都唔會失禮得過廈門李嘉誠嘅！唔怪得上個月 28號霜霜喺微博爆分手後唔夠一個禮拜又同新歡黐番埋一齊，話晒金龜，當然要夾到實一實啦！
晒巨鑽
霜霜同新歡拍拖冇耐，即晒鑽戒，唔通新歡又學林峯一樣玩求婚招？
二人今年九月開始 喺微博公然示愛，日日都叫對方「老婆」、「心肝」，金先生仲話擔保從此唔會再畀霜霜受傷，擺明又係講畀前度聽。
3/12
28/11
上月 28號霜霜喺微博暗示同新歡分手，但 5日後即話自己「不再稚氣」，即係話已復合，玩咩！網上圖片
自從同 chok峯嘅床照去年初離奇曝光，霜霜自稱受盡傷害又俾林峯 fans針對好耐，終於守得雲開見月明，搵到新歡囉。網上圖片
全站熱搜
留言列表
