容祖兒領軍睇騷劈酒擾民靚股硬食鹹豬咀 @ 818 娛樂八掛大放送★

容祖兒領軍睇騷劈酒擾民靚股硬食鹹豬咀

【今日我至黑】祖兒前晚同阿Sa睇BIGBANG，個場已經夠黑，祖兒仲要全程戴黑超，睇嚟阿Sa要好好照顧佢。

容祖兒、蔡卓妍、鍾舒漫、周秀娜和文詠珊等，前晚在機場亞洲博覽館欣賞韓國人氣組合BIGBANG的尾場演唱會。有在場人士報料指以祖兒為首的部份藝人及其友人，將台下變成私人派對，不但帶香檳及紅酒入內大呼小叫，祖兒全程戴着墨鏡，鍾舒漫更被指跟身邊女伴咀嘴，似乎無心欣賞表演。

韓國人氣組合BIGBANG前晚在機場的亞洲博覽館舉行尾場演唱會，一班藝人鄧紫棋（G.E.M.）、薛凱琪、方大同、文詠珊、周秀娜及一班以容祖兒為首的英皇藝人鍾舒漫及蔡卓妍（阿Sa）都慕名到場支持。他們大都買了最貴的企位門票，不過有跟這班藝人同場看騷的讀者陳小姐，昨日投訴部份藝人將演唱會當成自己的私人派對，不但飲酒作樂，更無視其他觀眾。

■鍾舒漫（左）入場時很清醒，但有指她在場內跟女友人咀嘴。鍾舒漫醉咀女友

爆料人陳小姐昨日接受電話訪問時說：「我同佢哋都係買咗A1區嘅企位，最先見到阿Sa同班好似係助手定係dancer嘅朋友一齊，當時佢哋已經開始飲類似酒嘅嘢，到後來祖兒嚟埋佢哋開始好high，有香檳、紅酒，仲同祖兒講『乾杯』，好似自己搞私人party咁，只有阿Sa一直都只係睇表演冇參加。」陳小姐指這班藝人站在後排不時大呼小叫，跟鍾舒漫一起的女友人更撞到她，她說：「容祖兒全程戴住墨鏡睇表演，鍾舒漫仲同佢飲醉嘅女性朋友錫面同錫嘴，佢朋友玩到癲晒，仲撞咗埋嚟，又搞到成地紅酒樽、香檳樽，又整濕地下，連我對鞋都俾佢整濕。其實好多藝人好似G.E.M.、阿Sa都真係睇表演，唔明點解係佢哋好似開party咁。」她指鍾舒漫跟女友人因為醉酒，所以中場已離開。

祖兒：飲咗一啖

祖兒昨日透過經理人霍汶希回應：「自己只係飲咗一啖啤酒，四個人share一罐啤酒，我平時都唔飲酒㗎，嗰晚本來我係坐位，阿Sa拉咗我過去企位一齊睇騷，我聽到音樂就natural high，完全冇迷，神志好清醒。」此外，祖兒為一連鎖電器店拍攝新一輯宣傳廣告，她以不同造型現身，包括坐上一米闊的巨型紅唇盪鞦韆。
採訪、攝影：譚倩宜

■祖兒表示只喝了一啖啤酒，但有人投訴她與朋友將酒樽（小圖）隨地掉。

■祖兒日前坐在巨型紅唇盪鞦韆，為電器連鎖店拍廣告。

祖兒靚股任咀

天后容祖兒一向最怕拍接吻鏡頭，但早前為廣告拍攝卻主動獻吻要求「錫錫」卻慘食檸檬，最後祖兒要大跳「Chicken Dance」才成功奪取小女孩一吻。

祖兒坐上紅唇鞦韆，做空中飛人。

祖兒早前拍攝全新一輯百老滙廣告，換上多個由時裝設計師Jeremy Scott和Sean K操刀設計的造型亮相。有廣告女王之稱的她，任何高難度動作都難不倒她，但對於親熱鏡頭卻是避之則吉。導演趁機會整蠱祖兒，稱不用祖兒「嘴對嘴」，但要犧牲「靚股」，嚇得祖兒即場要唱《忐忑》十分搞笑。其實導演是安排祖兒坐上一個巨型紅唇鞦韆，工作人員不禁取笑祖兒的「靚股」被鹹豬嘴親吻，吊在半空的祖兒亦大讚這個鹹豬嘴坐得好舒服，自封變了「鹹豬嘴上的空中飛人」。

不過，祖兒拍攝期間竟主動索吻，這個幸運兒是個混血小女孩，早在化妝期間祖兒已覺小女孩好可愛，不禁要求「錫錫」，但小女孩怕醜竟請祖兒食檸檬，而祖兒為博得小女孩歡心，不惜大跳「Chicken Dance」，最終成功奪取一吻。祖兒笑言：「咁辛苦得嚟，特別難得。」

祖兒為博混血女孩一笑，放下天后身份跳雞仔舞。

祖兒被爆入行時的舞姿甚似「蛤蚧」。
初期舞姿似「蛤蚧」

另外，昨日電台訪問祖兒經理人Mani（霍汶希），她大爆初出道的祖兒跳舞欠天分，舞姿似「蛤蚧」，當時覺得她簡直嘥學費，但自從祖兒跟排舞師苦練跳舞，舞功大進令她驚訝。亦有段時期祖兒肥到被叫「龍躉」，她就算只得一小時睡覺都用來去跑步，所以光輝背後其實下了不少苦功。

文：音樂組

容祖兒靚股硬食鹹豬咀

容祖兒（Joey）早前拍攝新一輯百老滙廣告，一向對拍接吻戲避之則吉的Joey，被導演安排坐上一個巨型紅唇鞦韆上，令其「靚股」被紅唇鹹豬咀，但Joey大讚紅唇坐得舒服。拍攝期間，Joey向混血小女孩索吻，惟小女孩拒絕送吻，Joey跳「Chicken Dance」討其歡心，終贏得對方一吻！而Joey經理人霍汶希（Mani）昨日接受電台訪問，大爆Joey入行初期舞姿似「蛤蚧」，後來跟排舞師學舞，苦練成舞后。