（ Good）

驗衣官

容祖兒　歌德潮女

2012年12月12日 ~~ 第290期 Face

波點裙容易着得娘，但 Joey以歌德式 lace top做點綴後，成個 look更精采，斯文造型演變成性感潮女，而對半透明絲襪和窩釘潮鞋，更令潮味加分。

Prada耳環
英牌 Preen黑色 lace top
法牌 Nina Ricci波點裙
Christian Louboutin窩釘鞋約$19,000

蘇永康　長褸有特色（ Good）

令身 texture長褸，袖位有鐵片設計，別致獨特。複雜外褸，內襯簡單樽領衫和黑色褲，順眼舒服。
Rick Owens短 boots 

張可頤　簡約飄逸（ Good）

斗篷式開衩白色長裙，以佢高大身形，恰到好處，白色配金色配飾，亦好 trendy。略嫌 smoky eyes和胭脂太濃，淡妝更宜。 

薛凱琪　褸身太長（ Pass）

黑金裙設計特別，又 show到長腿，幾搶眼，略嫌 biker褸太長身，遮住腰線，短身啲好睇啲，而且一頭鬈曲髮太女人，唔夾呢個前衞 look。
法牌 Pierre Balmain皮褸
AOLISHA by Kev Yiu黑金裙 

吳雨霏　髮型累事（ Pass）

一眾黑色衫海之中， Kary呢條白色裙反而幾突出，充滿清新感覺，不過髮型摟幽，但都穩陣過關。
Giuseppe Zanotti ankle boots
澳洲品牌 Style Stalker白色連身裙 

鄧麗欣　品味娘爆（ Bad）

唔知 Stephy係咪返得國內拍戲耐，連衣着品味都漸趨娘爆。呢件仿 fur連身裙，着得佢臃腫之餘，無論顏色、款式都好肉酸，似原始人服裝多過時裝。 

鍾欣桐　下身累贅（ Bad）

遠睇佢件鮮黃色 top幾搶眼，後面又有條 scarf print披，幾別致，不過下身襯條 two-tone leggings，皮位仲有拉鏈，再配對 strappy shoes，太複雜，下身過分累贅。 

文詠珊　皮褲唔啱身（ Bad）

斯文深灰外套配黑色短褲，本來 ok。但皮褲 size太大，搞到佢 pat位大。最失敗係對心心圖案半透明絲襪，圖案唔討好，仲要露出絲襪頭，好娘。 

陳嘉桓　眼妝古怪（ Bad）

呢件肚兜形連身裙，已經唔得體，仲要個化妝同身體皮膚兩截色，相當怪相。最騎呢係個黑影眼妝，遠睇以為係眼影甩色，化開咗。




眼角黑色化妝，破壞美感。

關注： Layering忌太 bulky

女星愛作 layering做配襯高手，其實今季男仔都好興層層配搭。不過玩 layering，首先要 figure好，唔係好易着得臃腫又肥。長度最好唔好過膝頭，上身披搭、下身就配窄身褲，忌太 bulky。

周柏豪　有層次感（ Good）

喜歡全黑打扮嘅佢，今次以 draping style top配大領型褸，以佢咁高身形， carry得好好睇，全黑得嚟又有層次感，下身乾淨配條黑褲， styling利落。
日牌 Julius draping style黑色 top
美牌 DARK SHADOW前短後長孖襟褸 

周國賢　橫衫扣分（ Bad）

本來佢以深、淺灰 tone玩 layering都好睇，但衰在裏面襯咗件橫間冷衫，色 tone唔夾。加上戴咗 PUMA帽，唔係咁認得佢，唔戴仲好。 

泳兒　太臃腫（ Bad）

身材的骰嘅佢，仲着件闊身彩色冷衫，搞到佢膊橫又大隻。半截裙又有兩嚿黑紗，全身已經好多嘢，仲加條黑色粗 belt和蓬鬆髮型，全身太臃腫。 

Ricky Kwok（郭慶彬）

入行 9年星級形象指導，曾與袁詠儀、樂基兒、李冰冰、周慧敏等合作，今年 9月獲邀出席巴黎睇 Chanel、 Valentino和 LV等 fashion show。近年憑敏銳時裝觸覺及狠辣批評，被各大報章雜誌邀請做衣着判官。