Focus

聖誕玩不停

2012年12月14日 ~~ 第907期 忽然１周

聖誕前夕，小朋友都期待過一個好玩夠 fun的快樂假期。
他們許下心願： Valerie想自製禮物送給媽媽， Wincy盼望變成白雪公主， Ryan希望跟爸媽去探長頸鹿， Julia和 Mia都想盡情吃糖果和看馬戲表演……
你也有相同的願望嗎？今年聖誕比過往特別多節目慶典，絕對可以一次過滿足你們的願望！

我們的動物嘉年華

我叫 Ryan，今年四歲。去年爸爸媽媽帶我去挪亞方舟，裏面有長頸鹿先生和其他動物一齊住在大船上。我好掛住牠們，媽媽應承聖誕節帶我去參加牠們的聖誕嘉年華，更相約 Valerie、 Julia和 Mia的媽媽一起去。好嘢，出發！
長頸鹿先生早已在入口處迎接我們，牠說今日有聖誕奇兵大匯演和工作坊。 Valerie聽見有薑餅人製作，立即拖着 Julia跑進帳幕。原來是設計曲奇餅，絕對難不到我！完成後我送給爸爸，他讚好靚，不捨得吃。至於媽媽的聖誕禮物，我用黏土做了甜品飾物盒給她，導師更讚我做得靚。








嘉年華有個爆谷大食會，可以試吃 30種不同味道的爆谷，試完要猜出甚麼口味！我吃的是香蕉味好易估， Valerie竟吃了沙薑味，立即吐出來； Mia選中好吃的蜜瓜味，我幫爸爸選了沙爹味，媽媽則吃麻辣味，大家都估中，好開心！ 

接着去 face painting工作坊，哥哥姐姐在我們的臉頰和手臂上繪畫聖誕動物，女孩子更可貼指甲。我的手臂繪上雪人，臉上有彩色聖誕花環。 Mia的企鵝臉和 Julia的雪橇臉好可愛，媽媽們不斷幫我們拍照，都唔明點解女仔咁鍾意影相！
大家畫完花臉貓便去露天廣場睇表演，好多大哥哥、大姐姐扮成動物。突然有個老伯伯拎住柺杖出場，媽媽說他就是挪亞了。完場後跟「動物們」一起跳舞唱聖誕歌。最後挪亞走過來說：「太陽伯伯下山了，小朋友要回家休息。」臨走前我們還在聖誕鹿車前影大合照！


奇兵大匯演共有 11am和 4pm兩場。

★家長玩後感★

Ryan媽媽：「有得玩又學到嘢，原來仔仔做手工咁叻，由早玩到黃昏都唔覺悶。」






Mia唧得太多朱古力醬啦！




我個雪人紋身靚唔靚？


Julia的雪橇

挪亞方丹「絃彩聖誕奇趣谷」

日期：即日至 2013年 1月 1日（逢周六、日及公眾假期）
地點：馬灣珀欣路 33號
時間： 10am-6pm
門票：成人$155，小童$125（包括參觀各展館，爆谷大食會及工作坊需收遊戲券，每張$10。）
查詢： 3411 8888
官網： http://www.noahsark.com.hk

公主的米奇手作

當了一天公主，有得玩，有嘢學，仲可以帶製成品回家紀念，很滿足啊！

我時常幻想變成 Wincy公主，經常有 7個小矮人伴在身邊，不愁寂寞。今天終於當上公主了，多得媽媽的悉心安排，還相約我 3個表妹一起變身，走進童話世界的魔法衣櫥。我二話不說，選出心愛的白雪公主裙， Megan愛做米妮，悠悠和潼潼則試戴可愛頭飾。仙女教母為我們化上美麗妝容，並施咒「 Bibbidi-Bobbidi-Boo!」，頓變成漂亮的童話故事人物。隨後帶我們到「童話天地」參加聖誕手作派對，我和 Megan合力做聖誕花環，悠悠和潼潼則做聖誕蛋糕造型音樂盒。當了魔法小公主的一天，美麗又充實。 




衣櫥內有好多靚衫，我全部都想試！


Megan好期待最新款的米妮造型。造型連服裝$1,180


我哋靚唔靚呢？


由工作坊姐姐預先將鐵線屈成米奇頭形，我們加上小飾物便可。


由輕黏土包裹疊成雙層的蛋糕造型音樂盒。


兩款飾物製作工序簡單，只需塗膠水貼上飾物，連 3歲半的 Megan都可參加。

★家長玩後感★

Wincy媽媽：「囡囡平時好貪靚，時常嚷着要塗指甲油，而且喜歡做勞作，一次過滿足晒她的要求。」

「迪士尼雪亮聖誕」小手作

日期：即日起至 2013年 1月 1日
地點：香港迪士尼樂園酒店童話天地
時間： 9am-2:30pm， 3:30pm-9pm（共兩節）
費用：入場費$100，手作班$150/1小時
查詢： 3510 6000
備註： 12歲以下小童，必須由一名成年人陪同。

自創糖果世界

媽媽話吃得糖多會蛀牙，但有哪個小朋友唔鍾意吃糖呢？今日她帶我同妹妹去 shopping，竟然發現由特大波板糖、士的糖和曲奇建成的糖果世界！好多薑餅人和聖誕樹在門口歡迎我們。妹妹聞到陣陣朱古力曲奇香氣，即嚷着要吃。工作坊的姐姐解釋是 4D聖誕糖果裝置。她教我們製作手拉糖，方法好簡單，只需啟動拉糖機，將弄好的糖果條切成顆粒便可放入袋包裝。姐姐話遲些教做棉花糖，好期待！
接着參加輕黏土工作坊，我一口氣做了波板糖和曲奇餅的電話繩，送給媽媽和表姨。媽媽對於「糖果珍藏展」好有興趣，看着六十年代的糖果罐和廣告海報，輕聲告訴我：「其實我細個都好鍾意吃糖果！」


Valerie（左）


我第一次用彩色輕黏土做糖果飾物！

★家長玩後感★

Valerie媽媽：「巨型糖果裝置影相好靚，囡囡參加工作坊時，我又可以看珍藏展，之後繼續 shopping！」

「甜蜜聖誕樂繽紛」糖果工作坊

日期： 12月 22至 26日
時間： 2pm-4:30pm（共兩節）
地點：荃灣荃新天地二期
費用：以即日單一發票計，消費滿港幣 100元或以上，即可免費參加。
查詢： 3926 5800
備註：糖果珍藏展由即日起至 2013年 1月 1日，開放時間由 10am至 10pm。

罕有水晶球創作

我們還做了聖誕公仔，完成後立即去坐旋轉木馬。

個個都叫我 Julia，我在盧森堡出世，由於爸爸要來香港工作，我們一家也搬來了。以前聖誕節會同姐姐砌雪人，但香港冬天不下雪，媽媽便帶我去坐旋轉木馬和整水晶球。一直以為水晶球好難整，原來只需三個步驟就做到。看着閃粉在水晶球內晃動，好像下雪的情景！我要做多兩個送給爸爸媽媽。 




用膠水固定公仔，加閃粉和注滿水，只需 20分鐘便做出水晶球。

香港繽紛冬日節「 Tiffany聖誕創意坊」

日期︰即日至 2013年 1月 1日
時間︰ 3pm-9pm（每節 30分鐘）
費用︰免費入場，工作坊每項由$20-$30，部分收益撥捐「伸手助人協會」。
查詢︰ http://zh.tiffany.com

當小藝術家

我是中德混血兒 Mia，每年都會畫聖誕卡給爸媽，木顏色、蠟筆、粉彩統統試過，今年要學玻璃畫！趁着周末跟 Julia媽媽去黃金海岸參加聖誕藝坊，我以為用真玻璃畫畫，原來是仿玻璃的磨砂膠板，工作坊姐姐話最緊要仔細地塗顏色，千祈唔可以心急，我們用了半小時畫完聖誕樹玻璃畫，希望爸爸媽媽會鍾意！




姐姐話要等一晚才乾透。


另外我仲整了聖誕手偶，可以和朋友仔玩。


做完手工可以去影 4D立體相，有陣陣玫瑰香味㗎。

聖誕藝坊

日期：即日至 2013年 1月 1日（逢周六、日及公眾假期）
地點：黃金海岸商場棕櫚廣場
時間： 4pm-5pm（共兩節）
內容：玻璃畫、手偶、花藝、相架（每次不同主題，詳情自行查詢）。
費用：於商場內即日消費滿$150，可免費參加一節。
查詢： 2452 6566

做環保菇女

不消 1小時，我們便完成了多款 Fatina造型，都算唔錯。

我是小賴，喜歡做手作，愛跟媽媽學做擁有可愛圓臉冬菇頭髮型的 Fatina布公仔。今個節日，我想為 Fatina做新裝，可我的手工不佳，想不到爸媽立即替我報名聖誕手作班，跟 Fatina原創人 Prudence姐姐學做膠錢罌公仔。她教我用舊衣物和布碎，弄帽子、短裙、聖誕襪，給她換上新裝，過一個綠色聖誕。 




我們一家三口上星期學做 Fatina聖誕襪，今次做新裙子。


Prudence親身教班好搶手，媽媽要預早一星期才報到名。

Chocolate Rain創意手作工房

日期： 12月 15至 23日（逢周六及日）
地點：德福廣場 1期中央展場
時間： 3pm-4:30pm
名額：每班 10人
費用：於商場購物滿$300或捐款$50予聖公會聖基道兒童院，即可參加。
查詢： 2750 0877

睇空中飛人

雜技表演未開始，可在鄰近的攤位，玩住先。

去年聖誕，爸媽帶我到加拿大探親友，湊巧欣賞到著名雜技團太陽劇團的精采演出，好難忘！以為今年聖誕留港冇節目，原來媽媽和姨媽早知太陽劇團和 MysterAct劇團其中 6位成員合作，來港表演最耍家的空中飛人和魔術，已計劃帶我和妹妹 Hayley睇表演，同場仲有掟樽、彩虹和射籃球等攤位遊戲，啱晒我哋呀！ 




我最期待空中飛人表演，難度極高， 12月 22至 26日早啲去霸靚位先。


經過 3個回合，我和妹妹贏得大獎啤啤熊，好開心！

聖誕奇幻繽紛樂園

日期： 12月 15日至 2013年 1月 1日（逢周六、日及公眾假期）
時間： 1:30pm-8pm
地點：九龍展貿中心地下大堂
費用：馬戲表演免費，另於商場消費滿$50或以上，可免費參加其中一個攤位遊戲，贏獎品。
查詢： 2620 3388

360°樹內自拍

昨日表姐急 call媽媽，話帶我同 Hayley去看全港首創可拍攝 360°電子照片的巨型聖誕樹。我們走進樹內只需數秒，即被 36個環迴角度鏡頭捕捉多個神態，最讚是可取回「 QR Code」，於網頁睇相會變成短片，亦可 email俾朋友，好窩心！


晚上 6時聖誕樹外圍亮燈，都好靚。


表姐教路，在數秒內，做出多個動作，令相片效果更豐富。

金莎華麗 360°聖誕

日期：即日至 2013年 1月 1日
時間： 10:30am-10:30pm（亮燈時間 6pm-10:30pm）
地點：尖沙嘴 iSQUARE iPIAZZA
官網： http://www.rocher360xmas.com.hk

玩轉動感樂園

今天跟媽媽去探 auntie Mary，發現附近有免費玩的充氣樂園，眼前的吹氣城堡、小船仔、滾動水晶球，都是我喜歡的遊戲。我和 Hayley都按捺不住飛奔去玩，「媽媽，轉頭見！」


彈彈牀有幾層樓高，好刺激呀！


妹妹唔好撐咁遠呀，小心！

聖誕開心王國

日期： 12月 22至 26日
時間： 1pm-6pm
地點：愉景灣愉景北商場
查詢： 3651 2345
官網： http://www.ddeck.com.hk 

撰文：陳祖怡、石美寶
攝影：周芝瑩、周義安
協力：李梓軒
模特兒： Valerie、 Julia、 Ryan、 Mia、 Megan、 Wincy、悠悠&潼潼