close
以露肉嚟講，陳煒確係性感啲，但梁政珏勝在青春無敵，媽咪姐都好難幫佢哋分勝負。
媽咪姐
陳煒梁政珏鬥剝
今年無綫唔止劇集「重口味」，就連一向老少咸宜的《歡樂滿東華》亦一樣。好似有份表演嘅陳煒同梁政珏，淨係睇佢哋啲肉，就真係可以慳番餐消夜。
當晚一個跳肚皮舞，一個表演魔術，本來風馬牛不相及。不過兩嬌娃咁啱喺後台撞到，梁政珏眼利見到攝影哥哥在場，即除低身上嘅羽絨搶鏡。身旁嘅陳煒不知就裏一齊癲，你剝我又剝，結果一個露纖腰，一個露深坑，各有千秋，不過最大贏家就肯定係我哋讀者。
梁政珏本來着住羽絨，毫無睇頭。
後來佢發現記者，隨即主動除衫搶鏡，在旁嘅陳煒依然懵盛盛。
「女人突然除衫，原因殊不簡單」，陳煒見梁政珏無端端除褸，一於剝埋一份，死跟唔好蝕。
唔剝猶自可，陳煒一剝，嘩，飽晒。
同場加映 顧嘉煇演唱會鬥騎呢
有樂壇教父之稱嘅顧嘉煇，上周三（ 5日）舉行演唱會尾場。當晚嘉賓如雲，飽受醜聞困擾嘅陳奕迅固然係風頭躉，但李樂詩、黃耀明都唔輸蝕，以騎呢造型搶鏡。
黃耀明脹爆
黃耀明一向注重外表，唔知係咪愛情滋潤得滯，肥咗十磅唔止，媽咪姐差啲都認唔出佢。
李樂詩倒唔出奶
生完 BB嘅李樂詩，應該波濤胸湧至係，但當晚佢𠌥低身都未有太大驚喜，唔通俾 BB吸晒啲營養？
俾吓面，唔好搞亂我個場得唔得？﹙設計對白﹚
全站熱搜
留言列表
