徐濠縈：我行得正企得正
徐濠縈再次就事件發聲明，但情緒明顯比上周到報業評議會投訴時冷靜得多。她再三強調自己清白之餘，更暗寸請黑人保鑣的黃浩。她說：「我行得正企得正，唔使保鑣。」
大封面
「飯局」人士大反擊 阿徐超儀趕絕黃浩
飯局事件愈鬧愈激，上周陳奕迅終於忍唔住出手，搵演藝人協會掌舵人曾志偉幫手擺平。豈料志偉一出手即大大鑊。上周三（ 12月 5日）晚，黃浩參加落選港姐鄭嘉雯婚宴時被人掌摑，要與老婆徐淑敏到瑪麗醫院驗傷。未幾，曾志偉則由苗僑偉及林國斌「護送」到灣仔警署落口供。事件哄動娛圈！
風波沒完沒了！ 12月 12日，徐濠縈與何超儀在蘇志榮律師陪同下，加埋飯局人士共 13人，向傳媒晒冷反擊，誓要聲討黃浩，律師表示懷疑有人報假案妨礙司法公正，已到警署報案。
黃浩與阿徐恩怨未了，老婆徐淑敏工作亦受影響，出入還要保鑣護駕，認真慘情。
何超儀：歡迎當事人公開對質
一直未有就事件回應的何超儀，在記者會表現激動，她說：「有兩個贊助商施壓力要我澄清，我歡迎傳媒朋友幫我哋邀請當事人對質。」
「掌摑事件」後，黃浩在婚宴中受辱的版本日日新鮮，他亦接受周刊訪問，大嘆︰「我前世欠 咗佢 哋！」黃浩謝晒，反觀阿徐（徐濠縈）與何超儀卻步步進逼。上周五（ 12月 7日），阿徐在老公陳奕迅陪同下，到香港報業評議會秘書處投訴，更在網上自行發放 9張當日「飯局」照片。
攻勢一浪接一浪。聲言已向黃浩發律師信的阿徐，於 12月 12日下午 3時，於灣仔利景酒店舉行記招，與何超儀、李璨琛、葉佩雯、陳子聰及當日出席飯局的人士，一行十三人，在蘇律師陪同下作大反擊。
Part 1：紮行馬
周三（ 12日）下午三時，陳子聰、葉佩雯、徐濠縈、何超儀及李璨琛在蘇志榮律師陪同下，與有份參與飯局的圈外人，合共十三人一起出席記者會聲討黃浩。
要當面對質
席間，何超儀、李璨琛齊齊聲稱要找當事人對質。李說︰「最好叫埋證人一齊對質，希望佢攞餅帶出 嚟！」超儀亦話︰「有兩個贊助商向我施壓。作為藝人，我歡迎同當事人當面對質。」
至於阿徐，亦大吐苦水︰「要老公陪我出 嚟，又影響到個女。唔係事實，已發 咗律師信告對方，再咁落去，就會申請禁制令。（告佢乜嘢？）誹謗！」在旁的律師就補充︰「禁制令是針對對方唔應該再發放錯誤訊息。」矛頭直指黃浩，要求對方 48小時（本月 14號早上 1時前）回覆。
備受關注的「開餐」短片一直得個噏字。徐濠縈上周終於抵唔住頸，向傳媒發放當日開餐照。男一枱女一枱，似乎屬正常飯局喎！
李璨琛：食飯引發事件
李璨琛記招上長篇大論，向記者講出引發今次事件的因由。他說：「作為食客喺食飯過程好似俾人呃錢……跟住引發一連串事件。」
四大要點
記招前，何超儀和徐濠縈向傳媒發出聲明，聲明中除列出四大重點之外，重要字眼更用紅色顯示。當中何、徐二人更講到明有機會向黃浩發出禁制令。
交晒俾律師同警方處理！
今年 40歲的黃浩，原本只屬生意人，但娶了港姐老婆後愈見高調。上月疑似「藝人開餐」事件爆出後，黃浩頓成風頭人物，除與曾志偉涉及「掌摑事件」外，現時又惹官非被徐濠縈告，認真濕滯。
Part 2：再談驗血
歷時二十分鐘的記者會中，有記者問徐濠縈、何超儀等人會否驗血證明自己冇吸毒，當時律師就耍走問題。豈料記者會完結後，大會再通知傳媒話有嘢補充。
聞驗血即口啞啞
席間，有記者反問眾藝人「會否驗血以示清白？」，眾星被這個突如其來的問題殺個措手不及，大家都 deadair（口啞啞）十秒。最後由律師發言︰「我 哋今日都係要交代番去年發生咩事 啫！」跟住就跳過問題。
整個記招廿分鐘內完成，正當傳媒離開之際，記招負責人突然留住記者。徐濠縈、何超儀及李璨琛就剛才「驗血」問題再一唱一和。徐濠縈先說︰「我 哋係清白，點解仲要證明清白。」何超儀接 着說︰「當事人不停話有帶（錄影帶），跟住又冇，佢都唔拎出 嚟，點解我 哋要驗血！雖然我 哋唔介意。」最後李璨琛補充︰「叫佢（黃浩）一齊驗血囉！法治精神唔係要證明自己無辜，但我亦唔介意唔擔心去驗。」
席間，蘇志榮律師就上次 Eason阿徐開記招聲稱「報案」，現時變成「提供資料」一事，強調有報案編號，並曾就「錯誤報道」事件向有關部門反映。不過本刊向警察公共關係科再求證時，警方發言人表示︰「 12月 7日，係有蘇姓男子到灣仔警署，代表陳及姓徐女子，就 11年 10月一宗灣仔區食店發生刑事恐嚇案『提供資料』。到現時為止，我 哋收到 嘅訊息都係咁！」
記者再致電黃浩，但他卻不想多談，只謂：「已交晒俾警方同律師處理！」不過記者收到消息，指黃浩的食肆其餘股東已積極考慮短期內從法律途徑解決事件。
輕鬆走人
備受事件困擾的徐濠縈開完記招後立即變得輕鬆，面帶笑容走人。
曾志偉與黃浩身邊均有好友力撐，掌摑事件當晚，苗僑偉、林國斌護送志偉到差館。而有指是黃浩契爺的向華民（上圖），亦關注契仔被摑兼受辱罵。
high tea減壓
眾人離開酒店後，徐濠縈、葉佩雯和何超儀乘坐何的七人車，出發到跑馬地馬會會所 high tea，商討對策兼減壓。
《蘋果日報》圖片
猛料律師團
據知今次徐濠縈及何超儀找來法律界猛人胡漢清（即江希文老公）處理官司。專替藝人打大 case的他不但是香港資深大律師，更是現任全國政協委員，來頭十分勁。 08年女藝人裸照事件，胡漢清是陳冠希法律顧問。早前更幫陳振聰打龔如心遺產案。阿徐找來大律師作後盾，對今次官司信心十足。
據知「掌摑事件」一出，首當其衝是黃浩老婆徐淑敏。以往徐淑敏甚得曾志偉歡心，更經常拍住去登台搵錢。不過自從曾志偉與黃浩發生紛爭後，兩人關係不再，就連無 綫綜藝科的監製亦對徐淑敏敬而遠之。「無 綫個個都俾面志偉，依家單 嘢搞成咁，邊個夠膽用佢 啫。話晒風頭火勢，點都要過吓冷河。」知情人說。
保鑣傍身
見記者埋身，徐淑敏身旁保鑣大為緊張，邊跑邊叫對講機。徐得知記者來意，才擠出笑容。
徐淑敏憂心
周一（ 10日），徐淑敏會合友人到旺角朗豪酒店 high tea，見記者影相，她即時收起笑容，心情似乎麻麻。
殃及徐淑敏
周二（ 11日），本刊致電受「掌摑事件」牽連的徐淑敏，她說︰「之前係有個飲食節目要拍，要返內地，不過屋企有事，我要留低照顧屋企人。工作上嘅嘢都係等公司安排，有咩節目公司會通知我，依家冇收到通知，我就做番自己護膚品生意。 啱 啱開業要勤力 啲，就 嚟聖誕節，依家日日都忙，今日先開完 3個會。」不過，談到敏感問題，如與曾志偉的關係及老公黃浩嘅心情時，她卻封嘴拒答。
就「掌摑事件」影響徐淑敏工作一事問樂易玲，她說︰「佢（徐淑敏）要花 啲時間 support老公，所以暫時唔想離開香港工作，我哋 understand，所以佢冇做（旅遊特輯），佢冇請假。（志偉同 TVB關係密切會否尷尬?）我覺得冇 嘢 嘅。（明年 Suki仲有工作？）冇討論過，我覺得好快無事。」
至於志偉，則表示︰「冇尷尬，我知道公司（指 TVB） 嘅人好錫佢。佢好乖，大家都知乜事！」
06年，徐淑敏參選港姐成為大熱，與曾志偉熟稔。掌摑事件發生後，志偉對她有讚冇彈：「佢喺 TVB出名多人錫，係乖女，一件事還一件事。」《蘋果日報》圖片
胡漢清與 43歲的江希文拍拖半年，今年 10月宣布結婚。胡是張天愛前夫。《蘋果日報》圖片
峰迴路轉
「藝人開餐」事件升級到用手過招。上周三（ 5日）發生的「掌摑事件」，至今才一星期，但每日都有新進展，精彩過台慶劇。
5/12黃浩驗傷
黃浩與徐淑敏出席落選港姐鄭嘉雯的婚禮，有指當晚曾志偉為陳奕迅出頭，而黃浩又咁啱被人「兇」及掌摑，更有人對他說：「夠膽你就報警！」事後黃浩到瑪麗醫院驗傷，而曾志偉於林國斌等人陪同下，現身中區警署助查。
6/12黃浩慘情
事發翌日，一直躲藏家中，但他接受電話訪問時說：「某 啲藝人有冇喺我餐廳做違法的事，我冇資格講，等警方同法官宣判，成班藝人矛頭指向我，自己更被人掌摑，想知自己做錯乜。」
7/12Eason投訴黃浩反口
陳奕迅和徐濠縈一起到香港報業評議會投訴，更首度公開飯局照片，而經理人陳家瑛再到警署報案。當晚黃浩外出時亦突然反口說：「我只係聽員工講，我耳仔睇唔到，我從冇睇過有任何人犯法嘅短片。」
8/12志偉「食屎狗」論
曾志偉綵排《歡樂滿東華》時，拒回應「掌摑事件」，但就發表「食屎狗」論。他說：「屋企後面有戶人養咗隻狗，晚晚吠……佢唔使食狗糧，淨係食屎。」語帶雙關。
眾星表態
曾志偉和黃浩發生「掌摑事件」，雖然誰是誰非還是未知數，但由於曾志偉在娛圈人緣甚廣，人多勢眾句句撐到行。
阿倫：輕撫你的臉
阿叻：以為講王浩信
陳百祥（阿叻）當「掌摑事件」純屬笑話，更說：「劉松仁打王浩……信十三巴都冇報警啦。」之後他再暗寸黃浩零知名度，他說：「唔知叫乜名，唔識佢，以為一直講緊王浩信。」
王祖藍：報少啲警
周日（ 9日），王祖藍出席傑青頒獎禮時，對事件亦有新看法，他說：「我冇刻意聯絡志偉，但大家要報少 啲警，理多 啲屋企。」
梁漢文：無論點都撐
「後輩尊重志偉，我叫佢做爸爸，如果仔女唔 啱都會鬧，如果搞到佢出手，我諗小朋友都幾曳！（爸爸捍 衞仔女趕鄰居走？）佢一把年紀，唔好激親佢，總之無論點，我都撐志偉！」
吳君如：絕對係抽水
「志偉咁出名，有時會俾人抽水，今次事件絕對係抽水！雖然唔知志偉有冇打人，但事件牽涉好多名人！如果我仲講咪抽埋我水？所以我唔回應。」
多瓣數
徐淑敏 06年參選港姐入行， 09年與黃浩閃婚，婚後已甚少參與拍劇工作，反而出席活動吸金，加上又出書又搞網上美容生意，賺錢能力媲美上位中的花旦。看來今次事件對徐淑敏有一定影響。
工作 酬金
節目《甜姐兒》 24集 12萬
撰書《甜美素肌》 3000本 3萬
活動 17個 85萬
網上 SEVE美容生意 回本中
TOTAL:100萬
熱爆網站
自爆出疑似藝人迷幻飯局，牽涉人物愈來愈多，一發不可收拾。捲入風波人物黃浩、徐濠縈與何超儀等，熱爆討論網站。有網民不滿黃浩，為他改名為 Wrong hole（錯窿），亦有網民鬧爆藝人。
撐冇吸毒
質疑無片
藝人虛偽
藝人攞彩
銀彈贏晒
留言列表
