close
媽咪姐
羅霖無癮 局住請辭
羅霖（ Candy）上周五（ 7日）出席活動時自爆辭去「仁美清敍」主席一職，仲話自己即位以來幫過唔少人，如今要花多 啲時間 喺三個仔身上，聽落真係用心良苦。
羅霖雖然辭任「仁美清敍」主席，但本周一（ 10日）仍為應屆候選佳麗任餐桌禮儀導師，辭任後亦會擔當「仁美」顧問。
實情呢，原來係另一回事。話說「仁美」本月尾重選，到時 Candy任期自動屆滿，佢辭唔辭職根本冇分別。聽講一班師妹早已唔再睇 Candy台戲，部分師妹更計劃缺席選舉，交由 06年亞姐季軍韓燕代表投票。至於投俾邊個？梗係出心出力嘅黎燕珊啦！難怪 Candy事先張揚拒絕再玩，連任唔成事小，輸俾勁敵先事大嘛。 
據講韓燕（右圖）將代表一班師姐師妹，投黎燕珊（上圖）一票。如果屬實，「仁美」應該會少咗好多是非。
咁就一天都光晒，以後由珊姐話晒事。（設計對白）
全站熱搜
留言列表
