close
拗腰 拋胸 十八般武藝 39歲 陳煒 火併 27歲 梁政珏 3週刊 688期
一年一度慈善大騷《歡樂滿東華2012》，上星期六將軍澳電視城舉行，當晚冇咩紅歌手同小生花旦撐場，全靠一眾女星大賣性感，同時表演高難度舞技搶收視。
當晚陳煒、許亦妮及黃心穎等表演肚皮舞，39歲陳煒非常搏命，上超性感舞衣演出，「胸」襲成功，搶盡一班後輩鏡，佢笑笑口話：「我cup數唔夠，所以要少布。」不過性感騷胸女星，當晚又點止陳煒，仲有梁政呀！佢同郭政鴻合作「魔法幻影magic team」環節中，deep V自摸咪咪，睇到男觀眾流鼻血！
雖然其他女星性感度唔及佢兩位，不過又瑜伽又拱橋又空中飛人，都真係好落力！好似張嘉兒、黃佩霞、鍾麗淇、李雪瑩合力表演瑜伽高難度動作，將手手腳腳拗來拗去同做倒立，好姨真係好驚佢拗親！一向舞技了得胡定欣半空跳舞，拗腰姿勢勁靚，非常落力。表演好唔好睇見仁見智，但係一班女星咁身演出，確係值得嘉許！
放大圖片
全站熱搜
留言列表
