close
徐子珊成功得米，黐到志偉同梁乃鵬影相。問到會唔會向梁乃鵬拉票？佢話：「我會，我好大膽。」
媽咪姐
徐子珊厚面皮
媽咪姐自問幾厚面皮，為咗八盡娛樂猛料，有時都𢱑爛塊面不恥下問，勢估唔到強中自有強中手，徐子珊塊面皮仲厚。
話說周二（ 11日） TVB連續兩晚搞盆菜宴，子珊乘機議員上身，戴上綵帶、攞住大聲公四出為視后之戰拉票。擾攘一輪，佢終於黐到曾志偉、行政主席梁乃鵬影相。不過功成未身退，當林峯都力撐增發電視牌之際，子珊則跟 TVB同一陣線，反對發牌。為攞一個視后，真係乜都得！
子珊攞住個大聲公周圍嗌，搞到劉丹都頂唔順，揞住耳仔力抗噪音。
可能子珊太主動，影完相梁乃鵬即拉住志偉走，成功避開子珊。
TVB為狙擊王維基，近日集齊藝員開記招，又豪花百萬搞盆菜宴。當晚盆菜有蝦有疑似螺片嘅鮑片，唔算矜貴，不過兩位影帝都食得津津有味，交足戲。
全站熱搜
留言列表
