close
中國人有句說話：「人嚇人，好易嚇死人。」所以有時真係好佩服啲外國電視台，真係唔擔心會嚇死人，早前就安排一扮鬼女童的童星，突然走入「車立」內整蠱搭客，而近日網上又廣傳另一段整蠱片段，亦同樣係玩喺「車立」嚇人。電視台先揾來一個老外演員瞓喺靈柩裏面，之後一見有單身人士入「車立」，佢哋就即時截擊把靈柩推入「車立」內，跟住就扮晒意外，令到搭客單獨地面對靈柩，一個人望住副靈柩已經夠心慌慌，之後靈柩更突然打開，彈個面青青的老外出嚟，真係唔驚到喊至奇！
一個人望住副靈柩已經夠心慌慌，加埋靈柩突然打開，彈個老外出嚟，真係患有心臟病的朋友，隨時冚旗。
靈柩內彈個阿伯出嚟都未玩夠，主持人仲安排跌咗副假牙出嚟，要勞煩搭客出手相助。
搭「車立」撞鬼加強版
全站熱搜
留言列表
