close

東涌 龍心石灘出鞘 


今日我至嚇
龍心雖然身材算唔錯，但佢平時嗰一身騎呢裝扮都幾驚嚇，估唔到佢唔着衫唔着褲，可以將個驚嚇度推到最高峰，喺石灘見到佢嘅人都可以話係時運低，慘過鬼節撞鬼。


原名林克霖的龍心，怪異行徑多籮籮，由最初喺維園《城市論壇》自稱三藩市福青幫第二把交椅開始，陸續有嚟，例如喺網上電台節目抽模仙樂都水，六四燭光晚會疑似打手槍咁，近日又有新搞作，上星期五（17日）佢竟然喺赤鱲角機場附近嘅國泰城外邊石灘，一條友全裸舞劍！



提早賞月 

野外狂呼 雙劍齊飛

嗰日下晝大概兩、三點，龍心赤裸上半身踩住架單車去到石灘，相信佢係喺東涌屋企踩過嚟，嚟到石灘後先係散下步，轉頭喺度舞下劍，但舞舞下竟然連褲都除埋舞起雙劍嚟，喺公眾地方露械，龍心又再一次犯法啦。
可能嗰日佢一個人悶悶哋至玩啲咁嘅嘢，第日星期六晚就有人喺大嶼山長沙沙灘見到佢同個女仔漫步沙灘，當時龍心依然冇着上衫，但就着住平時着開嘅白色鬆身褲，要媾女就梗係要斯文啲啦。
採訪：梁繼光

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄