DaDa谷胸派糖唔怕色狼
陳靜性感打扮到旺角鬧市派爆炸糖宣傳電影，吸引過百途人圍觀。而邵音音亦不輸蝕，以奇裝異服突圍而出，還笑言成世人未試過咁多人望，自言贏咗DaDa。
藝人陳靜（DaDa）前晚性感拋胸，聯同佩戴約一呎金色假髮的邵音音，到了旺角行人專用區向途人派爆炸糖、事業扇和tee，為票房直逼二千萬港元的電影《低俗喜劇》宣傳，吸引過百名途人圍觀和搶奪，場面混亂。
自認夠低俗
陳靜表示過程中未有發生不快事，自己亦不擔心有人會「手多多」，她說：「佢哋想要糖多啲，唔會襲擊我嘅，我個人都好低俗，如果同我鬥低俗我會贏。有咩事會打佢一巴。（好性感喎！）為宣傳性感ok嘅，遵守番個承諾。（票房三千萬會着三點式派糖？）好『娘』，唔好嘞，一係逐個餵糖啦。」問到會否希望提名電影獎項？她說：「自己係新人唔敢太大期望，交畀電影公司。」
DaDa與邵音音現身，即吸引大批途人圍觀。
DaDa表示對電影獎項不會抱太大期望。
要獎唔要錢
邵音音則表示佩戴的假髮很重和很焗，十分辛苦，她說：「不過開心嘅，呢世人未試過咁多人睇住我，今日我贏咗DaDa。」她表示因工作關係可能未能隨大隊到海外旅行和謝票。問到會否要求折現？她說：「我都唔鍾意錢嘅，我只係想拎獎，拎過可以再拎。（拍續集？）唔出奇，睇吓觀眾鍾唔鍾意。」
文：影視組
陳靜自嘲鬥Cheap實贏
性感打扮的演員陳靜（DaDa）與邵音音，前晚到旺角向途人派爆炸糖、「事業扇」及Tee谷新片《低俗喜劇》，吸引逾百名途人圍觀，場面一度混亂！DaDa表示不擔心有人會手多：「佢哋想要糖多啲，唔會襲擊我嘅！我個人都好低俗，如果同我鬥低俗我會贏，有咩事會打佢一巴！為宣傳性感係OK嘅，遵守承諾！（票房3千萬會着三點式派糖？）唔好喇！一係逐個餵糖！」她謙稱是新人，不敢期望獲獎項提名。而邵音音則表示佩戴成呎高的假髮很重：「雖然辛苦，不過都開心嘅，呢世人未試過咁多人睇住我，今日我贏咗DaDa！」
陳靜於旺角派紀念品，群情洶湧！
陳靜突然烏身，跌咗乜呢？
DaDa、音音炸爆 MK 
拋胸送扇
《低俗喜劇》大收旺場，票房直逼2千萬，有份演出嘅陳靜（ DaDa）前晚同邵音音踩落旺角街頭宣傳，佢哋仲大派爆炸糖同事業扇，吸引過百途人搶住攞。
依牙鬆槓
着戲服現身嘅 DaDa、音音姐同兩隻道具騾仔好受歡迎，其間雖然有保安維持秩序，但場面都幾混亂。谷晒胸嘅 DaDa話唔怕被抽水，如果有人手多，佢話會回敬一巴掌。音音姐話平日做宣傳企喺 DaDa隔籬冇人騷佢，反而前晚個個睇住佢個好高嘅假髮，算贏咗 DaDa喎。有指《低俗喜劇》原班人馬會拍新片，音音姐話唔出奇，又話最想有機會攞獎。
撰文：洪紅克
留言列表
