close
同你吟一吟
Eason定過抬油
一家三口度假受騷擾，老婆徐濠縈公開話強國人冇禮貌，搞到俾十萬強國網民鬧爆，跟住 Eason新歌《非禮》又俾人話暗嘲強國人係蝗蟲螻蟻，愛造假兼無禮，仲傳內地禁播。兩公婆，都出晒事！
上星期二（十四日）下午兩點，《壹》仔跑馬地區遊街，撞見 Eason約咗幾個男女喺源遠街間「大少爺」醫完肚，之後上咗架七人車去開工。
見到《壹》仔影相，定過抬油嘅 Eason戴番超笑吓揮手，冇躁底冇黑面，完全冇俾最近一而再強國是非困擾。
敢死隊員 Eason今個禮拜四五六（ 23/8-25/8）機場博覽開 show，三場爆晒，貴飛 680蚊一票難求，第一行位炒到上四千蚊張都有人爭住要，係強國人定香港人？你話呢！
開工著得求其嘅 Eason叫司機揸走佢架車，之後戴番副超同《壹》仔打埋招呼先上車走。
同班手足茶餐廳開飯，老細 Eason俾錢找數。
全站熱搜
留言列表
