close
劉華 Sammi杜琪峯八年後再合體，開工前一晚，杜導 jet lag，眼光光到天光，搞到要出動黑超。
同你吟一吟
杜琪峯瑞士執平酒
劉德華要陪老婆坐月湊女， Sammi受耳鳴困擾，二人孭飛嘅杜琪峯新片《盲探》停工多時，上個禮拜終於復工。開工當日，久休嘅劉華 Sammi，表現生猛，反而導演一副疲相，仲戴住副黑超唔願除。
事緣杜導啱啱歐遊完，喺瑞士盧迦諾電影節攞咗個「事業成就金豹獎」，返到香港嗰晚 jet lag瞓唔到，第二日又即刻要埋位，所以要搵副超遮住對熊貓眼。
今次去瑞士除咗攞獎，杜導最大得着係搵到支香港賣十幾萬嘅紅酒，喺當地只係賣萬零蚊港紙，開心到佢當水飲之餘，仲大手入貨搬番香港。
究竟係邊間酒莊邊隻寶號？杜導堅持唔公開，只係答應有機會請八珍試酒。一言為定，飲完再同大家八。
戒甜連生果都少食嘅杜琪峯，喺瑞士破戒食雪糕，好滋味！
杜導攞獎，杜太同行外，同佢關係密切嘅導演鄭保瑞（箭嘴）亦一齊撐場。
全站熱搜
留言列表
