close
同你吟一吟
《低俗》爆到 杜汶澤拍 MV酬賓
電影《低俗喜劇》開畫一個星期已經錄得千萬票房，截至星期日（八月十九日）為止，進賬超過一千六百九十三萬，睇 嚟二千萬走唔甩，如果收到三千萬，簡直係港片奇跡！雖然套戲入唔到大陸，但導演彭浩翔已經宣布，稍後新西蘭、台灣、新加坡同美加等地都有得上，吸埋呢班海外華人觀眾，和味！
帶住隻騾仔四圍謝票，再去海灘執膠粒派飛，宣傳攻勢冇停過。星期一（二十日）《壹》仔 响尖沙咀撞見杜汶澤同 DaDa拍 嘢，以為佢 哋打鐵趁熱開續集，原來係拍《低俗》 MV，只要票房去到二千萬，就會 响片尾播俾大家睇。
二千萬眨吓眼就到，要趕貨大酬賓， DaDa造型一 啲都唔馬虎， deep V加短裙，宅男一定 buy，反而杜汶澤長袖衫加牛仔褲，熱到標汗，要耐不耐走入附近間錶行過冷河，搞到導演嗌埋位都聽唔到，要工作人員走入鋪尋人。
成套《低俗》開 咗十二日工，投資幾球（百萬），回報率好過買股票，辛苦一日半日拍個 MV，算得係咩！
天時暑熱企街拍 MV，杜汶澤入錶鋪睇錶只為涼冷氣，舒服到唔捨得走，要工作人員入鋪嗌佢埋位。
MV其中一幕講杜汶澤跟蹤 deep V DaDa，兩吋半事業線，交足功課。
路人嗌影合照，杜汶澤諗縮數：「埋 嚟一次過影啦！」睬你都傻，個個都分開影。
上個禮拜一晚，《低俗》演員到北角大牌檔慶祝上畫五日收八百幾萬，就連菜式都低俗過人。
全站熱搜
留言列表
