黃翠如空降拍劇孭正，而亞視出身的陳展鵬捱足幾年配角，才有機會升呢，果然是「朝中有人好做官」。
擺明車馬
無 綫陀地唔妥有線黨 阮兆祥玩嘢 挫黃翠如
睇唔過眼
祥仔和好姨主持的飲食節目，取消原有的外景部分，改成全錄影廠製作，並邀請嘉賓現場比併廚藝。
余詠珊掌控無 綫非戲劇科製作總監後，台前幕後都安插不少舊日有線親信，當年由她一手發掘的黃翠如、洪永城、陸浩明均轉投無 綫，當中以黃翠如最得寵。
年過三十，知名度極有限的黃翠如，即使毫無演技，卻可以 孭飛做新劇《心路 GPS》。
「 Sandy同珍姐（無 綫戲劇科製作總監曾勵珍）有偈傾，加上黃翠如又識擦，要珍姐幫手無難度。」知情者說。不過，余詠珊亦非路路暢通。不少資深又有牙力的無 綫友，睇唔過眼，於是使計，要余詠珊改橋遷就。
「好似播緊嘅《皆大歡喜之溏心風暴》咁， Sandy嘅諗法係黃翠如同洪永城做膽，但怕唔夠號召力，所以搵阮兆祥同好姨幫手做間場主持，兩個舊無 綫友捧兩個有線友，連 Pilot（節目樣帶）都拍埋，不過祥仔咁醒目，點會咁順攤幫嗰兩個做陪襯，借啲意話齋做間場，根本唔使搵佢同好姨，又講明想辭演， Sandy擔心影響收視，唯有妥協，最後黃翠如同洪永城亦搞到冇得做。」
黃翠如在新劇中與陳展鵬配成一對，二人交流亦僅限於對稿傾公事。
祥仔、好姨唔賣賬，拒做黃翠如佈景板。
同人唔同命，雖然一樣是有線出身，加入無綫多年的梁嘉琪仍在三、四線位置掙扎，但黃翠如一轉會即有機會做女
主角。
在無綫工作十多年的簡慕華，近年擔戲日見吃重，可惜在《心路 GPS》中，降呢做黃翠如的綠葉。
演技水皮
黃翠如立足綜藝科失敗，拍劇一樣不被同劇的無 綫姐仔噓爆。
「好多人覺得佢冇料到，演技又水皮，樣又唔係好突出，如果唔係有後台，邊可能咁快做到女主角，拍外景亦只得一樣 喺有線出身 嘅梁嘉琪，肯同佢傾兩句。」知情人說。
上週一（八月十三日）下午，黃翠如、陳展鵬、麥長青和張景淳在將軍澳電視城開工，劇中飾演攝影師的麥長青，吊威 吔拍爆破場面，只見黃翠如同其他演員，未有太多交談，顯得格格不入。
「黃翠如表現好一般， NG都唔少，做女主角真係未夠料！」劇組人員說。
對於被飛出《皆》的主持行列，黃翠如起初回應時顯得支吾以對，並推說正拍攝外景，稍後再回覆記者，之後再回電記者時，才淡定表示因拍劇撞期，才沒有主持該節目。
有線人硬闖無綫地盤，要融入陀地黨，已不容易，余詠珊夾硬嚟，未行先走，更加衰硬！
麥長青和「家明」張景淳在戲中飾演攝影師及助手，當日麥包被吊上半空拍爆破戲，事後還拉傷大髀肌肉。
余黨
當年有線娛樂新聞台開台，余詠珊一手發掘的主播黃翠如、陸浩明紛紛隨舊老闆加盟無 綫，而且備受重用。其中黃翠如跳班做女主角，連知名度比她更低的洪永城，亦被欽點做台慶重點節目《走過烽火大地》，前往伊拉克、阿富汗、車臣等戰地，插旗；重用自己友，余詠珊惹來不少非議。
洪永城和陸浩明（右）齊齊加盟無綫做余黨，更被點名力捧。
留言列表
