生日會上，雷禮權先以五世祖造型出場，而他的正日生日實為八月十五日。
大喜慶
雷禮權娘爆壽宴 攞朋友 嚟笑
五世祖
當日晚會主題是「勁大娘」，雷禮權（ William）說：「我 啲朋友尤其西人都唔知咩叫勁大娘，其實係 啲 嘢貴，但唔識襯得靚。」 Dress Code是穿戴任何貴價貨和有牌子的衣飾，「要超貴，超多顏色和超搶眼。」問他圈中名人邊個夠娘？他自嘲說：「我咪係勁大娘。」
身為主角的他，其中一個造型是扮「五世祖」，「一世人最鍾意做呢個造型。」他的頸和手指都戴晒金器玉器，是否真貨？「係朱義盛，如果真 嘢要幾億。」不過他和朋友一握手就賴 嘢，「唔好咁大力，好痛！」他又用筲箕充肚腩，「用咕太熱，驚熱到暈，筲箕輕嘛。」他還戴假髮，用 blu-tack加啡色眼影自製大粒癦，「偷偷剪 咗 Marie（太太利蘊珍）一綹假髮做癦上面啲毛。」之後又胡說道：「粒癦係天然，平時用化妝遮住，依家開 party先 show出來。」
Tom Jones
凸務之王
福祿壽的阿福
朱古力獎門人
女賓男賓告示牌出現會場超懷舊。
布景板上的「 Wee Lee Amm」解作 William。
齋睇菜單唔知食乜，第一道菜有錢有面齊開餐，代表乳豬，港式游泳池是個湯。
惡搞大獎
William席間轉換了七個造型，中西韓人也扮齊，他指着假髮說：「呢個髮型是金正日，每上一道菜我就轉 look。」生日會籌備了多久？「每日 plan少少，舊年講開，日日 plan啲。」晚會所穿的衣飾就在旅行時見合適便買下來，老婆仔女會以什麼造型出場，他也是到場才知，「我唔知佢 哋著乜咁先好玩。
時裝設計師鄭兆良知道有「唔俾面獎」，即閃了返屋企，換條紅短褲再入場。
雷太利蘊珍（右二）、女兒雷正殷（左二），兒子雷正揚陪住雷禮權吹蠟燭食壽包。
派對搞手之一的李桂蘭扮中環區的菲律賓小姐。
在深水 埗買假髮扮八兩金的雷兆光罕有扮可愛，雷太林靜怡攞埋女兒的頭箍頂檔。
女兒雷正殷扮八個月大肚婆，兩父女肯定無溝通，因為 William識用筲箕扮大肚，女兒就用咕，睇怕玩多陣便熱到出汗； William堂弟雷兆光就以八兩金形象現身，他搞笑話：「係十 両金，（全部真金？）依家 啲金好貴，唔係真。」雷兆光太太則補充話：「佢（堂）大佬玩得好盡，所以我 哋好乖做齊。」事關壽星仔話準備了兩個獎懲罰無扮 嘢到場的來賓，嚇到著黑色禮服來的時裝設計師鄭兆良都竄返屋企換衫。
何猷君穿上紅西裝，刻意不剪牌扮土，說他似謝霆鋒，他笑言：「無佢咁靚仔。」戒指和金牌是父母的，「著得咁誇都係第一次。」母親四太見到都忍唔住笑。
留言列表
