close
同你吟一吟
林峯 EQ勝 Joey
無 綫班小生輪住出事，黃宗澤、吳卓羲偷食偷到女朋友走佬，林峯叫做比較好彩，只係俾人發現放國產乳牛劉羽琦入屋影相，同埋暗撻吳千語，算係無 綫三狼之中最唔激嘅一個。
上個禮拜四（十六日），林峯出席新碟發布會，提起吳千語緋聞，林公子答得好輕鬆：「無傷大雅，當宣傳囉！（會唔會請潘霜霜吳千語睇你出年個演唱會？）佢 哋有興趣咪 嚟囉！」
答得大方又得體，反而同樣緋聞纏身 嘅 Joey，第二日（十七日）同林峯陳偉霆出席音樂會活動時俾記者問劉浩龍，即刻落閘：「咪話 咗唔回應囉！」至於點解《 DIVA》所有宣傳活動都冇劉浩龍？ Joey更加唔耐煩：「冼色麗夠冇啦！」得得得， EQ呢家 嘢，都係等林峯過你兩招。
林峯又出碟，仲話明年又開演唱會，錫林峯錫到 燶 嘅樂大媽，當然要到場吻賀！
Joey同陳偉霆異口同聲話成日俾林峯電暈， Joey直頭扮暈，但返到落台下，見記者又提劉浩龍，即刻交唔到戲。
全站熱搜
留言列表
