close


好驚呀！（真實對白）

社交圈

慌失失

2012年08月23日 ~~ 第1172期 香港《壹周刊》

做得社交圈嘅上流人，儀態呢樣 嘢點都要 keep住，不過有時突如其來突變，都會令高貴女士儀態盡失。

何超蓮驚青


賭王三房千金何超蓮，早排自爆激嬲媽咪，上週六佢繼續做乖女，準時五點到養和陪爹哋和三太，問佢家姐超雲是否結婚？她淡定地說：「唔回應啦！」即使成日被追訪都無有怕嘅佢，在醫院大堂同四太梁安琪撞到正，竟然忍唔住口細細聲講：「好驚！」戰戰兢兢叫對方：「 Aunt Angela。」問她驚乜？超蓮唔敢答。




四太細女超欣上週五留院陪賭王，翌日離開時被記者發現，才拉起頂帽回應話：「爹哋同我哋打麻雀，贏 咗四百幾蚊。」

李嘉欣美女痕




著住紫色裙 嘅李嘉欣上週三出席資生堂活動，早前佢 喺台灣宣布封肚：「我一世俾人評頭品足都夠啦，唔想再生個 BB出世背負壓力。」一向儀態萬千的嘉欣，原來都有失手 嘅時候，活動期間見佢突然昂高頭，伸長條頸，原來係要痕，唉！美人都係人啫。

呂麗君失守


本週日是呂麗君與劉鑾雄所生的細仔兩歲生日，當日下午一點，大劉與母親和細妹，陪呂麗君、女兒劉秀盈（左圖左一）及兒子（左圖右二）去福臨門慶祝。離開時，呂麗君見有記者，本來同菲傭拖住囝囝手落樓梯，心急到扯住個仔向前行，搞到個仔雙腳離地，佢又趕住上車差 啲走光（右圖），使唔使咁騰呀？





撰文、攝影：名人組

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄