上週五（ 17/8）， Stephy出院，手術後三日，已經不用枴杖協助行路。
一刀切
26萬保拇趾 Stephy開刀貴過生仔
近年大部分時間留在內地工作的 Stephy，早前在四川拍攝電影《凶間雪山》時，發現困擾她超過三年的拇趾外翻情況愈來愈嚴重，因痛不能久站，為免情況再進一步惡化， Stephy決定做手術。
女友要開刀，方力申事先搜查大量有關資料，又推介名醫，大為緊張。 Stephy入住港安醫院三日，埋單 26萬，貴過生 BB。
可殃及脊椎
工作關係，經常要穿著高跟鞋的 Stephy鄧麗欣，三年多前出現拇趾外翻情況，由於當時情況不算嚴重， Stephy未有加以治療。
「但佢繼續不時著高跟鞋，之前喺四川同吳卓羲拍《凶間雪山》已經唔係好舒服，套戲仲有好多奔跑嘅場面， Stephy對腳痛得好厲害。雖然呢兩年佢都有斷斷續續睇醫生，都係做啲簡單物理治療，但始終要做手術先可以根治，醫生仲話再落去會影響埋脊椎，嗰時問題仲大！」 Stephy身邊人說。
由媽咪扶住的 Stephy一拐一拐行上車，行得相當慢。手術前，醫生搵專人幫 Stephy訂造了這對鞋，有助減輕腳掌向前用力受壓，鞋款睇落相當潮！
Stephy落車時要用車門借力，司機在旁睇實。
小方介紹醫生
Stephy決定開刀，方力申左 check右 check為女友搵名醫，今次負責手術的吳醫生，也是小方朋友介紹。
「小方好緊張上網查過晒啲資料，喺以前，做拇趾外翻係屬於大手術，近年普及咗，開刀傷口亦無以前咁深，小方先勸 Stephy做呢個手術，吳醫生亦係小方介紹。雖然小方做足資料搜集，但 Stephy最初都有啲擔心！」
上週三（十五日）， Stephy朝早七點由媽咪陪同入院，當日下午做手術，為時半小時。由於 Stephy兩隻腳均要開刀，須進行全身麻醉。
「麻醉藥過咗傷口開始有啲痛，不過第二日就消咗腫， Stephy可以扶枴杖借力行！」知情者說。
因為兩隻腳均要做手術， Stephy要停工兩個月。
今年三月，二人秘遊巴黎撞正記者，大方合照。（《蘋果日報》圖片）
早前小方又將與 Stephy一同拆蟹的相片放上微博，公開拍拖生活。
近一年，小方與 Stephy經常情侶檔出席活動，孖實搵錢。
停高鞋半年
手術後， Stephy需暫時穿著特別為減低腳掌受力而設的鞋，避免傷口受壓。
「手術做得好好， Stephy第三日已經唔使再用枴杖，不過醫生建議佢頭一星期最好少啲行，盡量坐同瞓，等傷口快啲復元，仲有半年唔可以再著高跟鞋。」
為免影響復完進度， Stephy已推掉一部內地劇。
「 Stephy九月中會去北京做 fashion show，因為之前傾落，亦問過醫生，手術一個月後行路問題不大，做埋呢個 job，應該會再休息一個月先再復工！」 Stephy身邊人說。
留醫三日，由於行動不便， Stephy帶備手提電腦上網及煲劇打發時間。
手術第二日，已經可以用枴杖行。
與吳卓羲在四川拍電影，經常要跑山，令拇趾外翻情況加重。
Cookies早前合體出現 Shine演唱會，傳與 Stephy不和的傅穎，未有現身。
變形腳有遺傳
拇趾外翻的主要成因是第一蹠骨內翻，當第一蹠骨開始傾斜並與第二蹠骨向外分開時，拇趾骨因肌肉及腱的拉力下移向第二腳趾，趾骨和拇趾腱形成如弓和弦的狀態，因此影響日常步行及活動。
女性穿尖頭高跟鞋導致拇趾外翻十分常見，故男性患此病的機會甚少。這種畸形也有遺傳性，有家族病史又穿鞋不當的女性，患此病及腳畸形也較為嚴重。患者足部容易感到疲勞和疼痛外，走路更會失去平衡。
改善拇趾外翻的非截骨微創手術名為「韌帶聯合術」，不用截骨，以縫線把正常趾骨修正，減少截去骨、軟骨及韌帶的創傷及容易手術後復發等問題，病人在手術後痛楚輕微，復元較快，康復後跳舞、運動及踢波均不受影響。
負責為 Stephy做手術的吳彥醫生是「韌帶聯合術」權威，二十年來不斷發展及改良，並成立「拇趾外翻中心」研究。多年來處理一千個個案，從未有病人復發，進一步肯定手術的安全性。 
留言列表
