探熱針
國產法拉撬出面 吳千語撇仔箍林峯
林峯舊受劉羽琦上月自爆男友花心唔認賬後，跟他合作電影撻 着的吳千語即出面力撐，更暗寸女方借林峯宣傳，據了解，向來唔缺女的林峯，近日又被合作對手國產陳法拉盛君睇中，女方不時在片場借故親近，為要完全箍實林峯，一直唔敢認真的吳千語索性撇甩拍拖年多男友 Derek，擺明搶到底。
吳千語
盛君
食好嘢
林峯跟吳千語連拍兩部電影撻着後，近半個月，雙方一直在大嶼山開工，日見夜見。
但據了解，除了公開表白可以發展的吳千語中「峯降」外，在新戲中飾演他女友之一，貌似陳法拉的北京藝人盛君，亦經常主動向林峯獻媚。
「喺現場開工嘅人都睇得出，盛君好冧林峯，佢哋有好多對手戲，總之有林峯就幾乎有佢，盛君好主動，同林峯講話自己喺香港唔熟路，叫林峯帶佢去食好嘢，所以佢兩個都約埋食過好多次，林峯身邊啲朋友對佢印象都唔錯，覺得呢個女仔唔同其他國產佳麗，比較有修養。」一名工作人員透露。
連續半個月在大嶼山一間別墅拍戲，林峯跟兩女刻意保持距離，開工收工都是一個人離開，盛君亦坐電影公司安排的七人車走人。
二揀一
日前，林峯坐保母車到位於大嶼山一幢別墅開工，一到埗，即極速跑入屋內，直到收工，保母車預早在門口等，林峯一個人上車走，從不讓吳千語或盛君坐順風車，刻意同兩女保持距離。
「林峯知兩個女仔都冧佢，但佢對國產女係有啲顧忌，同朋友都話千語係帶得出嚟見人 嘅，當然，千語亦留意到盛君有啲嘢，所以早排佢同咗 Derek講分手，免得一拖二，兩頭唔到岸。」知情者說。
女友移情林峯，愁爆的 Derek語帶無奈：「我唔知，唔回應。」而前港姐媽咪王愛倫則力撐兒子：「佢冇同我提過，其實個仔唔會乜都話我知，佢近排都好忙，收工就返屋企休息。後生仔，仲有大把機會 嘅。」
唱片公司早前為林峯開新碟及演唱會發布會，林峯開口歡迎緋聞女友之一吳千語捧場。
黃百鳴出書，由他一手發掘的吳千語（左一）及盛君（右一）都有出席撐場。
首次合作電影《男人如衣服》，林峯跟吳千語企埋一齊睇 playback。
吳千語跟 Derek拍拖年多，二人不時孖住旅行， Derek亦會將二人親密照放微博。
盛君鍾意食嘢，早前就幫襯朋友介紹在老牌金鳳餐廳鋸牛排。
港女鬥國貨
根據往績，林峯雖然對國產美女情有獨鍾，但吳千語亦非純正港女，混有法國血統風情的她，亦有力一拼。
盛君
年齡： 22
身高： 5'7"
三圍： 33" 23" 34"
擁 42吋長腿的盛君，是北京電影學院學生，年前黃百鳴秘密往學院揀蟀，從過百人中選中她作歌影雙線發展。
吳千語（ Karena）
年齡： 19
身高： 5'5"
三圍： 32" 23" 34”
兩年前拍《開心魔法》入行，一出道便可與古天樂、吳尊兩大型男合作。混有八分一法國血統，因為外表清純，被封「少女楊采妮」。 
留言列表
