close
同你吟一吟
方中信冒認羅仲謙
無 綫新劇《仁心解碼 II》上個禮拜四（八月十六日）舉行開鏡拜神儀式，女主角之一 嘅楊怡劇中造型要化濃妝戴假髮，搞到遲晒！方中信見佢趕頭趕命，忍唔住口：「 嗰個鍾意 啲又靚仔又後生又大隻 嘅人 嚟緊！」明玩楊怡同巨胸羅仲謙搞姊弟戀。
啱 啱拍完拖去韓國嘅楊怡心情靚爆，拜神仲幫寸佢嘅方中信許願：「保佑你整多件仔呀！」點知好心着雷劈，方中信唔領情：「嘩！你有謙仔仲唔夠，仲要整多件仔呀！」
之後方中信更谷起胸肌扮羅仲謙，楊怡亦唔客氣，一手揸落去再反擊：「 唓！你一篤就漏氣啦！」得 嘞得 嘞！知你篤慣好嘢 嘞！
方中信谷胸肌，楊怡老實不客氣，揸完又揸。
Size差好遠喎方叔叔！（設計對白）
有雜誌話鄭伊健反口唔結婚，激到蒙嘉慧當眾落淚，實情係佢打機打到颷眼水，方中信玩 嘢，話要幫蒙嘉慧抹眼淚。
肥 咗唔少 嘅蒙嘉慧，見到燒豬餓相盡現，最後仲成碟攞走。
俾人話係無 綫新嗲精，茍芸慧話自己冇周圍放電，男人近不得，拜神當日只係黐實班基督徒好姊妹，更加唔敢行近蔣志光身邊。
全站熱搜
留言列表
