close
同你吟一吟
萬綺雯收視有保證
繼陳煒之後，另一亞視花旦萬綺雯亦跟住過檔無 綫，更一連接 咗兩個劇，分別係《老表，你好 嘢！》同《好心作怪》。
當年 响亞視，一對長腿充滿殺傷力，比 Angelababy早一個世紀成為宅男女神，雖然家陣已經四十二歲，但 keep得好，一樣殺無赦。
上個禮拜五（八月十七日）下午四點半，萬綺雯、郭晉安等喺灣仔一間酒吧拍《老表，你好 嘢！》，開早班唔夠瞓，郭晉安同阿 Bob林盛斌一停機就行返上公司 van急叉，個樣 攰到得番半條人命，反而萬綺雯容光煥發，仲精靈到離遠就見到《壹》仔揮晒手，引到幾個企街飲酒 嘅鬼佬，由上至下勁 𥄫。
唔同年齡階段有唔同捧場客，萬綺雯屬於高收視嗰隻。
黃衫鬼佬咗萬綺雯好耐，之後仲有朋友加入，不過最估唔到係連後生仔見到萬綺雯，都開心到 O嘴！
戴假髮 嘅阿 Bob，一支箭帶頭行返上公司 van休息，尾隨 嘅郭晉安，亦 攰到歪晒！
全站熱搜
留言列表
