年近半百的關之琳，一身便服打扮，美貌身材依然狀態大勇，完全不輸時下青春女星。
大茶飯
關之琳做生招牌搞美容
估計坐擁七億身家，加上有百億富豪陳泰銘做男友，大美人關之琳間中做代言人搵零用錢，悠爆！但眼見好友劉嘉玲投資生意瓣瓣掂，她亦心郁想搞美容生意；做生意最緊要穩陣，關之琳最近與卓悅老闆娘鍾佩雲密斟，打算進軍美容業。
上週一晚，卓悅老闆娘鍾佩雲與關之琳在 ICC晚飯兼慶功，順便傾談未來合作大計。
老闆娘特別準備幾部美容機送給之之，並籌備再拍第二輯廣告。
大把人吼
○七年開始與台灣富商陳泰銘拍拖，兩人不時結伴周遊列國，早前被拍到同遊巴黎。
上週一（八月十三日）晚上七時許，穿上黃色小外套、拎住黃色 Birkin的關之琳，現身環球貿易廣場的龍璽酒家，同行尚有卓悅老闆娘等其他女性友人。
「其實嗰晚葉太（鍾佩雲）請食飯，因為之之幫佢拍 咗兩輯廣告，效果好好，大家合作得好開心，大家約出 嚟同班同事慶功，仲傾緊第二輯廣告。」知情者說。
快步入五十歲的富婆關之琳，已淡出幕前多年，專心享受與台灣富商男友陳泰銘拍拖生活，但盛情難卻，偶然亦會答允為老友的品牌做代言人；據知，早前經她代言的「童顏機」，單是大陸及東南亞的銷量，便超過二十萬部。唔濫做，大美人號召力驚人，即使天價代言，依然大把人吼。
嘉玲刺激
「之之都好少再接外邊 嘢做，不過見老友劉嘉玲 喺內地做生意愈做愈好，搞到佢都心思思，加埋朋友鼓勵，所以佢都有意思自己做生招牌搞美容生意有商機。不過之之做 嘢好穩陣，做生意更加唔熟唔做，呢排佢成日同葉太出 嚟傾 嘢。」
對於與關之琳合作做生意，卓悅的市場部負責人承認有此計劃：「老闆娘同關小姐係傾緊合作，不過只係初步階段！嗰晚大家出 嚟食飯，主要係為上次合作慶功。」
關之琳今年三月放售位於南灣道的大宅，套現 3.2億，大把喺手，十拿九穩。
玩得盡興的關之琳，跟壽星女好友合照。
劉嘉玲（右二）上海會所為好友生日搞印度風情派對，關之琳穿印度西施裝赴會，同場還有內地演員胡兵（右）和毛玉萍（中）。
早前宣布不再拍戲的關之琳，男友買心水西裝，她也樂做跟得女友。
關之琳一度因誤會而與楊小娟、呂良偉夫婦面左左，近日他們已冰釋前嫌，重拾友情。
疊水女星
九十年代出道的香港女星，食正電影業風光年代，搵到銀兼生財有道，唔少身家豐厚；富婆級女星唔願捱更抵夜拍戲，只出席商演活動， keep住名氣。
劉嘉玲
在內地投資經營夜店、食肆和時裝店等生意，由於人脈廣，交遊廣闊的嘉玲向來是廣告客熱選，身價四百萬起跳，出騷價亦長期高企，在內地擁有不少豪宅物業。 
李嘉欣
嫁入豪門的李嘉欣，早已絕 迹銀幕多年；工作以接拍廣告及出席活動為主；代言費超過 300萬、出騷價 70萬起，名下物業估價超過六億以上。 
鍾楚紅
再度活躍娛樂圈的鍾楚紅，雖然未夠其他女星富貴，但出騷價及廣告價亦以 80萬及 600萬起跳；而且邀約不絕，財來自有方。 
留言列表
