close
同你吟一吟
阿 B六十歲再做老襯
上星期四（八月十六日），鍾鎮濤喺主題公園幫佢同范姜所生嘅寶貝女鍾懿補祝八歲生日，阿 B仲專登安排百名孤兒一齊玩，為佢口中嘅福娃積德。
一向跟同父異母妹妹好感情嘅鍾嘉浚、鍾嘉晴，當日亦有到。已經廿二歲嘅鍾嘉浚，落場陪班小朋友玩水槍，又幫手照顧得三歲嘅細妹鍾幗，做足大哥哥本份。席上，阿 B自爆明年會同一齊十三年嘅女友范姜畫龜結婚。六十歲再做新郎嘅佢，仲話一定要儲錢，送老婆一粒大鑽石。
阿 B開出期票，生完細女鍾幗後肥咗唔少嘅范姜，即刻笑晒話要開始減定肥，影婚紗相。經歷婚變兼破產打擊，阿 B一直有范姜從後頂住，呢粒鑽石，應該有咁大買咁大。
同百名孤兒一齊喺迪士尼過生日，鍾懿充分發揮表演慾。
同小朋友玩水槍大戰，鍾嘉浚不忘照顧幼妹鍾幗。
廿二歲嘅鍾嘉浚同十七歲嘅嘉晴，對老豆娶范姜十分支持。
全站熱搜
留言列表
