close
父女咇搵錢，攬實影相，秋官仲話想同欣宜一齊去外地登台，唉！又係錢！
同你吟一吟
欣宜秋官交足戲
早個禮拜（六月一日），秋官鄭少秋避席紅館嘅肥姐紀念騷，但五日後，佢就同欣宜父女咇，出席電訊活動一齊搵錢。
有錢搵先見到人嘅秋官話唔清楚今次父女價酬金有幾多，因為係欣宜公司聯絡佢出席今次活動。
為咗強調兩父女並非好日唔見，欣宜自爆做紀念騷前有出嚟食過飯：「我今日直頭冇食早餐呀！諗住等陣就同爹哋去食 lunch。」之後兩父女又攬又錫俾記者影相。
交足戲，但始終瞞唔到《壹》仔對順風耳，話就話兩父女轉頭去食 lunch，但兩個最終分開走，秋官仲同欣宜講：「咁再約食飯啦！」
做人老豆嘅，不知所謂，偏偏欣宜海量，愈大愈生性。
全站熱搜
留言列表
