高鼻何超雲笑容甜美嘅 Jenny，望落有幾分似賭王三房大女何超雲，算係呢日面試佳麗中最四正一個。
同你吟一吟
港姐神獸戰 高鼻超雲 VS長面嘉欣
一年一度香港小姐又殺到，今年大會口號係「超越想像」，果然，星期一（六月十日）舉行嘅面試，佳麗嘅質素，通通超出八珍想像！
因有自信所以美麗，但當豬扒自以為係上等正菜，真係望多兩眼都飽飽滯滯，當日一百二十九位面試佳麗中，似賓妹似男人似阿嬸佔咗絕大部分，好在都有幾件睇得上眼。
當中包括「高鼻何超雲」，佢自稱 Jenny，明明識聽廣東話，但一味同記者講英文，另外望落比較醒神嘅有「長面李嘉欣」，以及胳肋底有粒綺夢墨、笑容似足令倪震孔雀開屏嘅「翻版張茆」，佢唔肯透露芳名，不過廣東話就有少少鄉音，分分鐘同張茆一樣，來自廣東省外。
長面李嘉欣
自信爆棚
呢位「翻版陳少霞」叫 Sisley，化淡妝嚟面試夠晒自信，之後除開牛仔褸露出 see-through衫，記者影佢背脊， Sisley居然話：「做咩影我背脊，我前面唔靚咩？」自信滿瀉！
勇敢女車神
八珍無意冒犯我哋嘅單車皇后李慧詩，但我好相信呢位叫 Charlaine嘅佳麗，同樣擁有女車神永不言敗精神，嚟參賽，勇氣已經攞滿分。
向你們致敬
都係嗰句，因有自信所以美麗，對於你哋有自信嚟參選，八珍要向你們致敬！
大波張茆
胳肋底有粒綺夢墨嘅「翻版張茆」，身材唔錯，如果入到圍，泳衣環節應該幾好睇。
張敬妹
Electric girl
全站熱搜
留言列表
