close
吊帶裙上陣嘅陳法拉慌死走光，明明企直都用手㩒住心口，反而 Da Da明買明賣，好嘢唔收埋。
同你吟一吟
大 Da Da勝小法拉
分別會喺七月同八月暑假檔上畫嘅《迷離夜》、《奇幻夜》兩部戲，星期一（六月十日）晚喺灣仔鵝頸橋底「打小人」勝地舉行記者會，兩部戲各有三個古仔，演員多導演亦多。
見到陳法拉除咗自己隻鞋打小人，梁家輝笑住寸佢：對鞋十幾萬喎！
是日出席演員有應屆影帝梁家輝、最佳女配角 Da Da陳靜、陳法拉、任達華、林家棟等，不過活動主角唔係星，而係收 500蚊負責做「動作指導」、專門响鵝頸橋底打小人嘅梁婆婆，由專人指導嘅陳法拉同 Da Da，裝模作樣擺出打小人 pose，專業講唔上，不過 Da Da半踎漏住三吋事業線，非常好客！唔似得冇嘢睇又要用手㩒實心口嘅陳法拉咁掃興。
孤寒心口，不過陳法拉就大方除咗自己對四吋高踭出嚟做打小人道具，點知身邊梁家輝即刻嚟料：哇，你對鞋十幾萬嗰喎！影帝寸寸貢，陳法拉完全唔識反應，淨識笑！
喺無綫大家庭養尊處優，同外面風大雨大兩個世界，八珍送薛家大小奶三個字：慢慢歎！
全站熱搜
留言列表
