張衞健一家是天主教徒，上週日（ 9/6） Dicky到嘉諾撒聖瑪利學校接了一名修女，與老婆到伊院為母親祈福。
探熱針
ICU探母 張衞健兄弟無偈傾
張衞健母親余嘉碧，上週五（六月七日）在洲際酒店泳池遇溺，急送入伊利沙伯醫院深切治療部搶救。阿媽出意外，已經兩年無見面的張衞健與胞弟張衞彝，終於在醫院碰頭。
兄弟恩怨難解，被通知到醫院的 Henry張衞彝，在 ICU內與 Dicky全程無偈傾，就算 Henry一度捉住阿哥隻手示意和解，亦遭 Dicky一手 fing開，態度決絕。張母大步檻過，亦未能換回一家和睦。
遭扣生活費
遭胞弟張衞彝出示合約大爆拖欠經理人佣金，以及十七個月來被禁止與母親見面的家醜曝光後，張衞健發聲明澄清，更以「見鐵不成鋼之恨」形容胞弟，但未有正面交代經理人佣金一事。兩兄弟不和持續升級，早前 Henry更向友人發短訊，表示每月有三萬使費的他，遭 Dicky連續兩個月扣減五千元，銀行只剩五百多元，生活困難。
講錢失感情，兄弟斷絕聯絡。直到上週五，張衞健母親在洲際酒店遇溺，被送入伊利沙伯醫院搶救， Dicky收到消息後由杭州趕返香港，而當日下午，有指 Henry由許志安陪同下到醫院探望母親，但實情是 Henry收到細細佬張衞基 Lawrence電話，獨自乘的士趕到醫院，與昔日好友許志安碰頭，亦全程零交流。
細細佬張偉基結婚時拍下的全家福，當年一家和睦。 
張衞健由助手陪同，與細細佬 Lawrence（右一）及老婆一同到伊院。 
許志安及梁漢文亦有到 ICU探張母。
講錢失感情
前後腳探母
一連四日， Dicky與胞弟 Henry均前後腳到達伊院。週日（九日）下午三時多， Dicky與太太張茜、細細佬 Lawrence，由爾登豪庭寓所出發，到尖沙咀嘉諾撒聖瑪利學校接了一名修女後，一同前往伊院，由職員通道上深切治療部， Dicky到達大半小時後，胞弟 Henry才現身。
「佢哋雖然喺 ICU對住三粒鐘，但 Dicky仲好嬲，全程無同 Henry對話，但兩個都好錫媽咪，好擔心。第二日 auntie仲未醒， Henry不停喺媽咪耳邊講嘢，其間又試過捉住 Dicky隻手，示意和好，但 Dicky一手 fing開佢，反應好決絕！」知情者說。
本週二下午一時多，張衞健與老婆張茜外出，老婆到超市買日用品， Dicky則到茶餐廳買外賣，然後一同返家。 
週一 Dicky如常與老婆及細細佬 Lawrence（箭嘴）到醫院探母，但兩兄弟跟 Henry在 ICU內仍無交談，當日張母情況比較反覆，眾人心情亦受影響。
安排入養和
與張衞健感情深厚的趙雪英，現任男友是養和心臟科醫生王國耀，據知 Dicky已聯絡王醫生稍後為張母治療。
在醫院接受完「冷凍治療」後，張母週日奇跡甦醒，但仍得靠呼吸機呼吸， Dicky如釋重負，胞弟 Henry則振奮說：「完全醒晒！」返回 ICU病房時，更 yeah了
一聲。
「喺出事後第三日， auntie醒番，醫生都話係奇跡， Dicky同老婆、細細佬喺床邊同佢傾偈， Henry後來嚟到， auntie都有伸手捉住 Henry隻手，而 Dicky嘅姨媽响澳洲趕返嚟，喺 ICU都有攬住 Henry喊， auntie都好想兩兄弟可以和好！」
由於張母遇溺後，心臟停頓兩次， Dicky一度想安排媽咪轉私家醫院。
「 Dicky喺杭州，已經即刻聯絡香港醫生，希望安排媽咪轉到養和醫院，但因為情況危急，醫生建議 Dicky等媽咪情況穩定，先再諗轉院問題。其實 auntie嘅情況仲有啲反覆，但 Dicky已經聯絡好養和嘅心臟科同腦科醫生，適當時候，就會搞手續安排轉院！」知情者說。
急凍保命
「冷凍治療」又名低溫治療（ Therapeutic Hypothermia）， 2010年引入本港，協助搶救心臟停頓的病人，減低變成植物人的風險。
當醫生成功搶救心臟停頓的病人後，會因心跳恢復令血液衝上腦部，造成永久損害，若醫生能及時為病人進行「冷凍治療」，將病人體溫降至 34度以下，可減慢血液循環，防止血液衝上腦部，避免大腦缺氧造成永久損害，甚至變植物人。治療過程中，醫生會為病人注入冷凍鹽水，並用冰袋、毛巾等包住身體，令體溫下降，過程最多可持續進行 24小時，並只適合安排予 18至 75歲病人使用。
留言列表
