姊弟戀秋天開花
李蕙敏嫁老外

■42歲的李蕙敏終於脫離剩女行列，將做秋天新娘下嫁老外男友。資料圖片

現年42歲的李蕙敏（Amanda）雖然近年事業發展未如意，但愛情路上覓到好歸宿，終於可以脫離剩女行列。
據知她會做秋天新娘，跟拍拖三年的老外男友Nicallef先生於外地舉行婚禮，N先生是英國人，比李蕙敏細四年，在投資銀行任職投資部主管，被派駐來港工作。

終有好結果

本報記者前日致電Amanda求證，她大方承認：「結婚日期未定，應該今年內啦！」講到求婚過程，Amanda甜笑說：「都幾驚喜，上個月我哋去峇里旅行，去到酒店男友話泳池邊涼亭好舒服，叫我坐低，之後佢攞戒指出嚟，單膝跪地求婚，好緊張話本來諗住黃昏浪漫先求婚，但怕唔見咗戒指又心急，佢仲好激動喊晒，我哋一齊喊。」
雖然Amanda唱過《你沒有好結果》，但終在情路上覓得好結果，她笑說：「係呀，𠵱家有好結果喇，因為年尾有唱歌計劃，諗住唱歌之前結婚，唔會喺香港搞，可能喺外地搞。」至於生育大計，她說：「未傾到咁深入，生到咪生，生唔到收養都得，自己都係人哋收養。」

■Amanda跟男友拍拖三年，經常與好友蔣怡等聚會。互聯網圖片

■去年Amanda曾帶男友跟養母食飯，大家感情很好。《壹週刊》圖片

Amanda大讚男友性格樂觀，思想正面，又有幽默感，兩人都喜歡音樂，相識是緣份，她說：「自己成日去jazz club聽歌，由朋友介紹識，由普通朋友開始。」初時男友不知道她是歌手，有次搭的士送她返家，的士司機問他是否識Amanda？之後男友上網搜尋才知她是歌手，Amanda說：「男友唔抗拒，佢都鍾意音樂。」首次跟外國人拍拖的她，覺得更易相處，感覺很舒服。
採訪：林妙萍