真面目
食住個勢 孖韓模自拍 Gwiyomi 錢國偉：我都有份出鏡！
話咁快 Gangnam Style同 Harlem Shake已經 out晒，今期流行潮跳韓國 Gwiyomi（可愛頌），成隻舞只係用可愛手勢做出唔同 cutie表情，不過萌樣唔係個個 buy，唔小心隨時可愛變可惡！
難得上次扮 PSY紅到去韓國的導演錢國偉（肥 Wil），今次再接再厲，除咗搵正牌韓妹蔡恩真拍 Gwiyomi，仲唔怕變鍾一憲扮 cutie惹負評，片尾亦有份出鏡。邊個話肥佬唔可以扮可愛㗎？
港女示範
本刊特意搵來純女 Anjaylia（陳嘉寶）及媽模 Mia（陳靜宜）示範兩個唔同感覺的 Gwiyomi，睇完大家 like邊個多啲？
近期 hit爆的 Gwiyomi，幾乎每日喺各大討論區都洗版式出現，由韓國發起的 Gwiyomi，以一首簡單可愛的背景音樂，以及從 1數到 6的手勢組成，這首歌迅速走紅，𠵱家連男人都玩埋一份！
去到韓國，肥 Wil仲企喺 PSY「江南 Style」塊牌度影相留念，曾經連 PSY本人都話過肥 Wil同自己好似，唔知佢咁嘅打扮，有冇人認錯佢係 PSY呢？ 
肥 Wil今次去韓國係拍生活節目，孖住 4個女仔（左起）石天欣、 Connie、蔡恩真、寸嘴 Barbie，講女仔心事及扮靚心得。 
肥 Wil上次段片咁成功，今次點會唔技癢吖，雖然佢話賣萌唔係佢 style，但係自己出品，點都參與一份過吓癮。
重口味出鏡
扮過 PSY跳騎馬舞的肥 Wil，上次 hit到去韓國，今次亦乘機食住 Gwiyomi熱再拍一段新片，不過今次肥 Wil主力幫韓妹蔡恩真和曾於劇集《仁心解碼Ⅱ》中被李家聲強姦的石天欣等妹仔揸機。
「前排同蔡恩真幾個女仔去韓國拍嘢，有一日成班人講起近期好興 Gwiyomi，蔡恩真話佢同松岡李那好早已經知，見我上次 PSY條片咁 ok，咪想我幫佢拍一條片，今次都算叫做私人性質幾個人自己玩吓，佢同幾個女仔自由發揮做嗰幾下動作。我就唔拍喇，都唔啱我跳，不過我臨尾都有加入，出鏡一個 shot囉，咁算唔算特別吖？！」特別呀，特別重口味囉！
原唱 Hari跳紅
可愛瘋人人跟
熱潮去到連港台少女齊齊跟，甚至泰國及歐美都有，不過唔係人人做都好睇，港版更係失敗居多。
香港攞命版黄𦷜蕙出埸，造型加動作，驚嚇多過得意囉！ 
斷背版傳斷背的鍾一憲與曹震豪加埋藍源瑋跟風拍片，有不少網友給負評，話睇到毛管戙。 
台灣巨乳版台灣巨乳妹楊愛妤， show巨胸雖然人氣急升，但有唔少人鬧佢意識不良。
採訪、撰文、攝影：娛樂組
留言列表
