close

 

眨吓眼黃日華囡囡黃芷晴（Adrian）已21歲，亭亭玉立，仲幾靚女，以前經常孖住老豆出席活動，上週六（7日）晚終於學識獨立，首次單拖為時裝店Snidel開幕活動做模特兒。


當晚Adrian拍住行慣騷嘅日模松岡李那同韓模蔡恩真同場演出，FBI見到佢表現好生硬，之後佢都謙虛承應自己緊張。難得冇老豆傍住，FBI即追住問佢同老豆黃日華過檔王維基旗下一事，但佢就話：「家未知點。其實我同爸爸同黃生食過一次飯，但我食到半路就走咗，佢哋傾咗啲乜我都唔知，不過我家會出席多啲活動做model先，爭取多啲經驗。」 FBI收到風，話芷晴第一次行騷已收5位數字酬勞，新人嚟講肯定唔錯。家仲未簽任何經理人，所以試衫都要阿媽梁潔華傍住，為咗保住乖乖女形象，唔好話水着，Adrian講明背心免問。性感留番畀模啦！ ####


雖然黃芷晴只得大約5呎4吋，但企埋喺一班高瘦鬼模身邊都夠淡定，唔驚青。


Adrian唔肯着背心，露肉責任咪留番畀松岡李那囉。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄