close


上月17日（週六）晚，劉以達與太太參加完教會活動後，劉在路邊一邊食煙，一邊等達嫂買宵夜，然後二人一同返大埔村屋住宅。

滿天神怪

由黃耀明及劉以達組成的「達明一派」，本月中於紅館開4場25周年演唱會；新歌〈排名不分先後左右忠奸（你Chok唔Chok）〉，MV又因題材敏感而被微博「河蟹」，80年代叔父輩都變潮icon。以遊魂見稱的劉以達，多年來被形容跟代表作「夢遺大師」一樣神化，08年與太太改信基督教後變得積極。不過，本刊知悉大師夫婦所屬的「竹園區神召會大埔堂」，屬基督教中的「靈恩教派」，重視「聖喊」、「聖嘔」等超自然體驗，連劉以達亦曾呻過：「（信）『靈恩』會被人排擠！」而本刊多日來深入該教會聚會，亦發現不少惹人側目的行徑，相當神秘。


49歲劉以達篤信佛教十多年，但08年受朋友影響而與太太改信基督教。成為基督教徒的劉以達，跟一般基督徒藝人不同，一直以來甚少向人提及所屬教會之事。本刊收到消息，指劉以達夫婦近年活躍於位於大埔的「竹園區神召會大埔堂」，二人更沉迷追求該會所主張之「聖靈體驗」。

追求超自然力量
「阿達平時都冇乜同我哋講福音，問過佢返邊間教會，佢又神神秘秘話返『太和神召會』。之前咁啱有個信教嘅朋友同佢傾偈，佢同人講話『我哋神召會比較追求一啲超自然力量，你哋出面個啲（教會）反而抗拒呢啲。」知情人士透露。而劉以達亦曾對本刊談及其宗教，「你知唔知『靈恩』？即係要用神蹟……但（信）『靈恩』會被人排擠！』」原來劉以達接觸之「靈恩教派」教會，其信徒追求接觸所謂『聖靈』之類，有人會有大喊大笑、或嘔吐等反應，但仍視之為神蹟，不同於一般讀聖經、唱詩歌的教會。

激進崇拜方式
本刊多日來參與「竹園區神召會大埔堂」週末崇拜，有日更有印度籍牧師聲稱教友在接受「聖靈力量」後，會即場昏睡。現場的教友向記者強調「唔會叫自己做『靈恩派』，驚人誤會係邪教。」但又表示崇拜方式會「比較激進、新潮啲」，「大家會唱歌、跳舞、有時會大叫大喊嚟釋放自己」。而女教友亦承認劉以達為其教友：「近來都唔見佢成日嚟，以前主要返星期六晚嘅聚會，佢好似住附近，所以嚟聽聖經，好似普通弟兄姊妹咁好低調。」本刊至截稿前，達嫂的電話仍接駁秘書台沒有回覆。

神秘教會起底
上月10日記者再往「竹園區神召會大埔堂」出席崇拜活動，當日由一位印度籍牧師主持分享，自稱傳教已有十幾廿年之久「吸收咗好多神嘅力量」，更即席邀請教友「感受」。

猝死當神蹟
本港另一個同屬「靈恩派」的基督教敬拜會，崇尚被「聖靈充滿」後大哭大笑，甚至嘔吐嘅經驗，但前年年底有一名男教徒在聚會抽筋並嘔吐大作，但教友指他正在「釋放」（即神在驅趕魔鬼），而令佢延醫失救致死。

有撐有唔撐
現存嘅靈恩派教會有神召會及錫安教會等，教眾追求神秘經歷，如「說方言」、神蹟醫病，以及透過「哭、笑、叫、跳」等情緒化表達「聖靈感召」和「神蹟見證」。


週日周永恆出席「神召會大埔堂」復活節福音崇拜，更大讚教友捐款3百萬裝修學校禮堂，相當有心。 我唔覺得有問題，好多教會都會咁樣，我去馬來西亞都見有某啲牧師會有類似嘅行為。2、3個月前我去會展參加個佈道會都見有幾千人咁做，仲有人暈低。


『靈恩派』一般都係激進style，在基督教會唔係受歡迎，因為佢哋行為唔理智，行徑又唔受控，只要佢哋自圓其說所謂聖靈係來自耶穌基督，教會都對佢哋冇符。只要冇搞出人命，就唔會有社會制裁。情況好似去咗個『宗教性rave-party』咁，入面啲人表現失控，但出番嚟又變番正常人咁。 ####


信主後嘅劉以達經常參與拍攝福音電影，09年偕孫耀威及導演關信輝（右）出席電影《流浪漢世界盃》音樂佈道會。網上圖片


今年初劉以達自資30萬推出福音專輯《希望之旅》，有消息指大碟經費來自教會教友捐獻幫忙出版。


印度籍牧師透過翻譯人員解說，一邊講印度方言，一邊用手按住信眾額頭以「感受牧師嘅力量」，他更解釋話「力量大到會令人自自然然瞓低」，但其實信眾背後有教友幫手攙扶瞓低。


集體瞓地信眾被牧師按頭後逐一瞓在地上，事前牧師話「感受到力量之後，有人諗起開心就會笑，有啲人傷心就會喊」，但現場大部分人表現平靜，而教會更為他們鋪上毛氈保暖，真係當佢哋瞓緊覺。


當晚信眾以十多歲嘅年輕人為主，在印度牧師帶領下讀聖經和唱聖詩，但每當唱到「Jesus」，牧師便要求教友大喊以「釋放開心同唔開心」。


《壹週刊》圖片


網上圖片


周永恆


浸會大學宗教及哲學系高級講師陳士齊博士

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄