close


戒鹽油又要少食澱粉質， G.E.M.呢期最多幫襯就係三文治店，通常指定係麥包同火雞肉。 

FBI

戒可樂戒油鹽　 G.E.M.軍訓齋食包

今個星期五（ 12日）輪到 G.E.M. BB（鄧紫棋）演唱會開騷，一做 5場喎， FBI聽聞 G.E.M.呢期啲時間表似足軍訓，每日一早起身做 gym、排舞、練歌，十足操兵一樣，都係想夠氣又夠力做場 good show囉！上星期， FBI仲一連 2日發現 G.E.M.去排舞同練歌。

 

男歌手開騷就話谷肌， FBI打畀 G.E.M. BB， 21歲 G.E.M.話自己嘅健康程度同大隻度𠵱家係最高峰：「我每日朝早喺屋企一路踩 stepper，一路記歌詞，跟住就去 High King（著名排舞師）度練舞，每日 3粒鐘；練完舞就去同 band綵排，直落到夜晚 12點。每日如是，好悶㗎！為咗演唱會，我仲戒咗自己最愛嘅可樂、油同埋鹽，不過要有充足體力，就唔戒得澱粉質，但就淨係可以食麥包同米粉囉！」
操咗兩個月， G.E.M.嘅努力， FBI都有眼睇，人仔細細，見佢手瓜起𦟌、小腿又似小節瓜咁，就知啦！


3/4上週三（ 3日） G.E.M.喺 High King位於尖沙咀嘅排舞室練舞練到傍晚，就由男 dancer陪同去便利店買飲品，大家睇吓 G.E.M.嘅腳瓜起晒𦟌就知佢操得好勁啦！ 

7/4阿 G.E.M.出晒名係可樂精，一日啪幾罐當水飲，不過為咗場騷，戒咗三個月，去便利店都係買無糖茶咋！ 

最近幾個禮拜， G.E.M.都會喺微博倒數演唱會，兼報告操 fit進度，中間手瓜起晒𦟌嗰張，當然係移花接木啦。

撰文、攝影： FBI

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄