close


復出搵錢，囡囡由楊媽媽照顧，活動上見到有小朋友，思琦即時母性大發。

楊思琦產後極速復工，大家以為佢頭炮好勁，仲吹到話出個商場騷有12萬。查實TVB高層樂易玲為思琦復出鋪路都出心出力，不過家吓咩時勢吖？FBI聽聞上星期三（4日），思琦產後第1個job係去大埔超級城出席活動，其實只有大約1萬蚊左右嘅車馬費，原本思琦都唔想接，到活動前幾日仲扭計，為免得罪個客，樂小姐嗱嗱聲爆思琦有產後抑鬱，好彩，最後都講掂數。FBI當日問思琦，佢都承認酬勞唔多︰「邊有咁多（12萬），太抬舉我喇，總之開心就得啦。」


今次酬勞少就少啲，不過當日半百傳媒到場，思琦呢鋪當試水溫，之後啲job陸續有嚟囉！ ####


活動當日思琦啲頭髮又乾又旱，而且新生出嚟嘅黑髮仲未染，到活動後思琦先走去Salon染髮，擺明唔畀面之前個活動主辦單位啦。


囡囡楊卓穎（Krystal）啱啱滿月，湊B只有1個月，思琦當日示範嘅掃風技巧都唔差喎。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄