自稱 28歲嘅裸模干露露，真係人如其名，最鍾意露，加上佢擁有天然 34E身材，整定食呢行飯啦！
真面目
冇底線 母女出浴片瘋傳 E奶車模干露露全裸拍《 4D肉蒲團》
大陸裸模個個開放，早前被親生阿媽擺咗條出浴片網上徵夫嘅 34E北京裸模干露露（ LuLu），上週五（ 5日）殺到嚟香港，翌晚更到老蘭試人氣，當晚得 16度，佢都要着透視裝遊街。
據知露露今次來港，主要係搵蕭定一斟演年尾開拍的《 4D肉蒲團》，她更在會面中答應全裸參演，不過《肉》片監製週一（ 8日）就對本刊說：「係有見過面，不過未確定係咪會起用佢。」難得可以傾拍港產片，露露點都把握機會獻身啦！
之前《 3D肉蒲團之極樂寶鑑》勁收得，今年即拍板開拍《 4D肉蒲團》，由孫立基做監製和胡耀輝（右）編劇。 
接雷神棒雷凱欣自《 3D肉蒲團》人體爆炸後真係失蹤咗，今年套《 4D》應該都唔會有佢。
母女出浴片瘋傳
阿媽都露干媽媽雖然已一把年紀，不過勁玩得，閒時亦鍾意剝衫玩自拍，不過就有啲驚嚇。 
淡定出浴11年干媽媽趁 LuLu沖緊涼，竟然衝入廁所影個女出浴，最爆係 LuLu若無其事，反而干爸爸就激死話：「太過分了，你要對子女負責，你這是幹什麼？」
狂踩千語 BB
爆紅後的 LuLu，把心一橫剝到盡，無論出席紅地氈還是做車模，通通裸得就裸。上週五（ 5日） LuLu剛到香港，即搵相熟傳媒做訪問，先借陳冠希博宣傳，翌晚更身穿透視裝衝擊老蘭，來港 4日便見足 3日報。週日（ 7日） LuLu跟本刊做訪問，其間記者問她最喜歡香港邊個男藝人， LuLu即答林峯，更狂踩同鄉、林峯前女友潘霜霜和現任女友吳千語。
「林峯很帥呀！我知道他有十幾個女朋友，說明他很有魅力！潘霜霜身材不錯，但跟我比就不用說，大家能看到呀！而吳千語呢，她好像只有十多歲，年齡太小會不定性，而且她知名度沒林峯高，會不會借助林峯什麼？」最後仲肉緊加句：「林峯，加油！我好鍾意你！（忽然用歪音廣東話講鍾意兩字，超騎呢！）」
拋胸車模喺內地主打做車模嘅 LuLu，呢款打扮只係閒閒哋咋！ 
她（吳千語）知名度沒林峯高，會不會借助林峯什麼？真實對白LuLu自稱最愛林峯之餘，仲勁踩千語 BB，唔知林峯會唔會出口維護女友呢？
「冇底線嚇親」
傾完男人， LuLu大講未來工作，除了一連串商演活動，仲話已接拍三級片《 4D肉蒲團》。「這次來香港主要跟蕭定一和監製孫立基見面，因為那部 4D電影要找我參演，暫定我會參演一角，但對手還未定，但我會全裸演出。」
但本刊週一（ 8日）聯絡《肉》片監製孫立基，他卻說：「係干小姐嚟香港前一星期，搵同事打嚟問我哋有冇時間同佢見面，因為佢對《 4D肉蒲團》表示有意思，結果佢一到咗香港就上嚟我公司！我哋呢部戲係需要好多人，不過好多角色都未定。當日好在佢帶埋媽媽嚟，唔會到時至話屋企人唔畀拍。不過佢話自己冇底線，我真係嚇鬼親！總之現階段部戲都未拍，不過我唔抹煞任何合作可能性。」唔理係咪堅拍、露定唔露， LuLu搶晒鏡啦！
唔係人人有 34E身材，所以 LuLu都話唔想浪費呢個天賦，晒得就晒囉！ 
拍劇遇港星早排 LuLu喺廣州拍咗套電視劇《公主出山 3》，同劇有方中信同李麗珍， LuLu仲話李麗珍有啲發福添！
6/4騎呢黑超透視老蘭
上週六（ 6日） LuLu一身透視裝衝擊老蘭，引嚟大批記者和市民上前影相，睇佢個樣就知好自豪；而干媽媽（箭嘴）亦扮粉絲影埋一份，個樣似講緊：「阿女，我以你為榮！」
同胞搭訕唔少遊客見到都有停低望幾眼，但呢兩位自由行就決定上前留倩影，藍衣男子仲疑似對手唔係太聽話添！
留海膽話學湯唯
露露今次來港 4日，除了講嘢爆兼唔多鍾意着衫外，另一特點就係佢腋下兩隻海膽好礙眼，露露話佢睇完《色．戒》見湯唯都唔剃毛，所以有呢個堅持喎！ 
腋下烏卒卒， LuLu即話係電影《色．戒》影響咗佢：「湯唯在電影裏也是這樣，是李安導演的意思，我也要學她！」咁都得？ 
採訪、撰文：蘇詠詩
攝影：范仲良
形象： Bryan@the Flaming
服裝： Blossom
留言列表
