close


一見記者影相，楊怡周身唔聚財，擰嚟擰去又不自覺摸個鼻，此地無銀喎！ 

FBI

楊怡公園捽鼻

視后楊怡個鼻疑似後天加工，紅咁多年就被講足咁多年，搞到 FBI同好多朋友睇親楊怡做戲，都淨係掛住望佢個鼻，唔記得睇劇情聽對白，而楊怡呢，亦都變咗驚弓之鳥，一見相機就周身唔聚財，驚死俾人影個鼻。

 

上星期六（ 6日），一放晴，無綫套《 On Call 36小時 II》即刻出動去西環拍外景，一個景拍兩場戲。呢日劇情原本帶住仔女同奶奶一齊外遊嘅楊怡，理應好寫意至啱，但楊怡見到 FBI就擰晒面，仲講到出聲：「都唔知點避好……陣間 roll機至影啦！」最多下次唔 close up影你個鼻囉！


楊怡似乎知道 FBI狂影佢捽鼻，即刻笑晒 say hi，咁咪唔使俾 FBI影到木偶鼻，醒目！ 

劇情講到楊怡同奶奶黃淑儀帶住 BB行公園，咪玩啦，邊有媽咪一個湊兩個，仲有行草地都仲着高踭鞋㗎！ 

同劇嘅胡蓓蔚同郭政鴻等埋位等到呆晒，要工作人員擔遮防曬。

撰文、攝影： FBI

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄