close


〈9:55pm〉三個版本中，最得意有呢個同方大同在webcam前「唔知做乜」玩ad-hoc video，兩個真係幾sweet喎。

〈886〉、〈小峽谷之1234〉、〈四人遊〉、〈8月號〉……出道9年的薛凱琪，似乎與數字結下不解之緣，今日不談心事，輕輕鬆鬆同Fiona傾足一個鐘，就講吓佢人生最難忘的數字。不過好難輕鬆，因為阿Fi實在太甜，我有少少被電親。

自導自演〈9:55pm〉
最近阿Fi忙於錄EP，3首歌中，其中兩首MV均自導自演，「'01年在城大修創意媒體，搞裝置藝術外乜都試吓，嗰陣時就學咗拍片。」〈9:55pm〉，就係阿Fi作此曲的那一刻時間，「一睇表就係夜晚9:55，講女仔好掛住對方時，幾點都有衝動去男友家。」MV推出共 個版本，其中一隻就同杜汶澤用Macbook Movie Maker拍，小試牛刀幾得意，「緊接EP的〈倒刺〉，就正式用大機拍攝，自己畫的畫會出場！」期待阿Fi做導演呀！

日瞓10小時
忙錄歌、拍MV，阿Fi話辛苦想死，但一入夜又唔瞓，夜鬼一名，「唔到4:30am都唔願瞓，但又唔知自己做咗乜。」好了，到有得瞓，又一定 ，「瞓少一個唔得、瞓多一個又唔得，多了少了都會好頭痛。」

2小時練琴痛苦回憶
中學年代，又要讀幾個科目，返到屋企最慘就係被迫練琴，「每日都要被媽媽迫住彈鋼琴，彈到個人吽晒，最慘係冇得彈自己喜歡嘅Glenn Frey〈The One You Love〉，結果去到第3級就冇學喇。」小時已經聽情歌，難怪阿Fi咁多戀愛曲目啦！

甜蜜16歲首次拖手
16歲，卜卜脆，對於阿Fi來說，更是最甜美一年，「16歲對於每個女仔都好sweet，會對戀愛充滿憧憬。」今年踏入的阿Fi，只係拍過 ！「但我對每段關係都好認真，會為對方做好多嘢，又不時整小禮物氹對方開心。」咁有冇整嘢畀緋聞男友方大同先？「你想陰我呀？冇整呀！」

第一個6千蚊
以為阿Fi獨女唔使捱，但生活迫人，在未讀城大時，已做graphic design，「每個月得 ，那時屋企又住元朗，每日都要來回灣仔，好記得一出糧就畀一半屋企。」家吓大個女，除了使費，連唱功舞步都大個女，「一出道就唔識死咁pat pat扭吓扭吓就係一隻舞，家真係好畀心機排舞，希望不要被人定型。」

7.8首紅館個唱
最近，每日要 頭舞，更忙於keep fit，籌備 「為了個唱，推了好幾套戲，不過係首次入紅館，點都要犧牲吓。」除了跳舞，還可能自彈自唱，不過我最關心有乜嘉賓，「方大同？未肯定呀！」點都要吊吓我癮，「不過我會為個唱畫了一些tee及畫集。」相片高度秘密，不過阿Fi就私下畀我睇，我諗粉絲荷包會好傷喇。 ####


忙於準備個唱，又要為新電影《懸紅》埋尾。男主角係好耐冇見嘅萬梓良！


阿Fi畫畫有水準，來臨7月將推出演唱會有關畫集，粉絲有眼福了。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄