年僅 16歲嘅李遐怡，最叻唱中低音，由於磁性聲線獨特，上年已被韓國明星夢工場 YG娛樂簽為旗下做 BIGBANG師妹。唔只師兄 G-Dragon賞識佢，據知連 PSY都要搵佢做演唱會嘉賓，勁搶手。
韓面
G-Dragon點燈 16歲小師妹李遐怡 hip得起
韓國樂壇近年被人多勢眾的女子組合霸佔地盤，不過踏入 2013年，除少女時代繼續大勇，其他女團氣勢逐漸減弱，卒之令單飛新人女歌手有機抬頭。
今年單飛女新人中，暫時以年僅 16歲的李遐怡最先跑出。參加歌唱比賽出身的李遐怡，特色係以又沉又厚的聲線唱 hip hop，上年一早被 BIGBANG所屬 YG娛樂睇中簽為旗下，出道半年已擁有 3首流行榜冠軍歌，最近連 BIGBANG龍頭大佬 G-Dragon（ GD）都搵佢做 solo巡唱首爾站的表演嘉賓。被師兄 GD點燈，點會唔紅？
GD錫晒上月尾， G-Dragon喺首爾舉行兩場演唱會，一早已點名小師妹李遐怡做嘉賓，台上 GD仲同師妹合唱首〈結果〉，搞到台下歌迷勁 high。而年頭 GD仲傍住師妹一齊出席「韓國金唱片大賞」，錫到師妹燶。 
見 T.O.P.暈浪上年李遐怡未紅前， SBS電視台曾安排 BIGBANG最靚仔成員 T.O.P.同佢見面。李遐怡一見到偶像即暈晒浪，仲嚇到呆晒，表現尷尬。
GD明捧
經過 YG娛樂 6個月培訓，上年 10月已推出處女歌〈 1. 2. 3. 4〉，一出已 hit爆韓國，登上多個流行榜如《 M! Countdown》等冠軍，而剛於 3月尾登場的新歌〈 It's Over〉亦輕而易舉橫掃各大流行榜 No.1，出道唔夠半年已揚威，被韓國傳媒稱佢為「怪物新人」。
講到最威，當然係同門大師兄 G-Dragon都點名話好欣賞遐怡師妹把渾厚又低沉的聲線，還邀請她於上月尾舉行的個人巡迴演唱會《 2013 World Tour One of a Kind》首爾站擔任嘉賓，一齊上台合唱，擺明畀位佢上。
勁攞獎由上年 11月出道至今，短短半年裏面，李遐怡已攞過《韓國金唱片大賞》及《首爾歌謠大賞》等多個新人獎，氣勢勁到好似怪物，所以被韓國傳媒稱為「怪物新人」。 
李遐怡處女大碟《 First Love》已於上月 28日出街，𠵱家唱片公司正狂谷主打歌〈 Rose〉，首歌一出已攻佔各大流行榜 no.1。
師奶話眼寃
紅得快自然引起唔少三姑六婆唔順眼，現時仍就讀首爾翰林藝術高中的遐怡，曾於 MV及表演時扭籮跳舞，被不少師奶觀眾批評她年紀輕輕已賣弄風騷，仲話睇見都眼寃。
旗下招財貓被插， YG娛樂即出面力撐：「喺李遐怡身上雖然表現出同年齡不符嘅成熟感，但呢個反而令佢更突出，亦係一種魅力。」公司錫到出面，好多新人恨都恨唔到呀！
14歲豬包2年大執：未入行前，李遐怡眼腫、扁鼻，最誇張係塊面闊過面盆。但經 YG改造後，加埋靚靚化妝，變成大眼、鼻高，塊面仲瘦晒，誇過 Angela-Cammi！ 
16歲靚晒
曱甴 Tommy下次合照目標揀師妹
李遐怡師兄 G-Dragon，將於下月 17、 18日降臨香港舉行《 2013 World Tour One of a Kind》香港站演唱會，門券將於本月 15日公開發售，最平飛為$780，而最貴飛為$1,580，比上年尾 BIGBANG騷平 100蚊。
而 GD早於上月尾為巡唱展開序幕，香港樂壇曱甴阮民安（ Tommy）繼續抽水，專登飛去首爾睇騷，仲鼠埋入後台，迫 GD合照，然後放上 fb炫耀，雖然小強唔肯透露點樣入後台，但就同本刊講下一個目標係 GD師妹李遐怡：「李遐怡做得 GD師妹肯定有番咁上下實力，佢唱中低音好靚，下次有機會都想同佢合照。」真係黐得就黐。
樂壇曱甴 Tommy亦唔放過機會，上月尾鼠入後台迫 G-Dragon合照仲放上網炫耀，被 GD港迷喪插佢黐足 3次合照抽水。 
上月尾， G-Dragon巡唱已於首爾開鑼， 4月會去大阪、北京，下月 17、 18日將飛到嚟香港，到時肯定搞 high歌迷。曱甴 Tommy又有機會抽水啦！ 
撰文：何家文
留言列表
